II Samuẹl 6:7 - Edo Bible (E Baibol Ẹdo) Version 1996

⁷ Vbe ọwarọkpa nii, ohu Uzza keghi mu e Nọyaẹnmwa, Ọ keghi gbe ẹe rua rhunmwuda, udinmwẹ amiọmwafo ọghe ọe, ẹre Uzza na wu ye evba, vbe ọkpẹn Ẹkpẹti Ile nii.

II Samuẹl 6:7 ပူးပေါင်းရင်းမြစ်များ

II Samuẹl 6:8

Ọnii ọzẹe ne a na tie evba nii Pẹrẹs Uzza do sẹ ẹdẹnẹrẹ na. Ohu keghi kakabọ mu e Devid ye ne Nọyaẹnmwa na ya ohu rri Uzza oya vberriọ.

I Krọnikol 13:10

Vbe ọwarọkpa, ohu Uza keghi mu e Nọyaẹnmwa, ọ na gbe ẹe rua rhunmwuda ne ọ na ye obọ kan ẹkpẹti nii. Ọ keghi wu vbe odaro e Nọyaẹnmwa.

I Krọnikol 15:13

Rhunmwuda ne uwa i na rre evba ne uwa mu ẹẹn vbe okaro, e Nọyaẹnmwa ne Osanobua ima keghi rri ima oya ye ne ima ma na ga ẹe vbene ọ te ke yi.”

I Krọnikol 15:2

Ẹre irẹn na kha wẹẹ, “Avbe Livai ọkpa ọ re ọ ra gha mu Ẹkpẹti Ile rhunmwuda, iran ọ re Nọyaẹnmwa zẹe ne ọ gha mu ẹẹn, ne iran vbe gha winna ne irẹn ẹdẹdẹmwẹdẹ.”

Nọmbas 1:51

Wa gha si kpao vbe agọ, avbe Livai ọre ọ gha fannọ Owa Ukpọn nii, iran ghi vbe ya bọ ẹe vbe agọ ne ọgbọn. Ọmwa ọvbehe rhọkpa gha sikẹ Owa Ukpọn nii, a ghi gbe ẹe rua.

Nọmbas 4:15

Ọ gha sẹ ẹghẹ ne a ya si kpao vbe agọ, ivbi e Kohat ghi do viọ avbe emwi nihuanrẹn nii, iyeke vbe avbe ivbi ẹre a ghi ya emwi gue ehia kevbe emwi ne a lo ba iran fo nẹ. Wẹ ne ivbi e Kohat ghẹ ye obọ kan emwi nihuanrẹn ni ne iran ghẹ wulo. “Iwinna ne ọ kan ivbi e Kohat vbe ẹghẹ ne a rhirhi ya si vbe agọ ọre ena khin.

I Samuẹl 25:38

ọ ghi te gha vbe ikpẹdẹ igbe, e Nọyaẹnmwa keghi fi e Nabal emwi, ọ na wu.

I Samuẹl 6:19

E Nọyaẹnmwa keghi gbele ivbi Bẹt Siemẹs eso rhunmwuda iran kegha ghe uwu Ẹkpẹti Ile nii, ọ keghi gbele arhin ekigbe sẹ iyenẹ vbe uwu iran. Emwa nii keghi khiẹ, rhunmwuda ne eso na wulo vbe uwu iran.