II Samuẹl 6:5 - Edo Bible (E Baibol Ẹdo) Version 1996

⁵ E Devid kevbe ivbi Izrẹl hia keghi wa gha ya ẹtin iran hia ku iran na gha so ihuan ne iran ya rho e Nọyaẹnmwa. Iran kegha kpe akpata, ẹgiọn, e ma, ẹgogo kevbe ukusẹ.

II Samuẹl 6:5 ပူးပေါင်းရင်းမြစ်များ

II Ọba 3:15

Wa tie ọkpakpata gun mwẹ.” Ugbẹn vbe ọkpakpata ghi kpe akpata ẹre, ẹtin e Nọyaẹnmwa keghi rhuẹ yan Elaisia,

I Krọnikol 13:8

Vbene Devid kevbe emwa nekpa na gha ya ẹtin iran hia iwu ne iran ya rhie ọghọ ne Osanobua. Iran kegha so ihuan iran na gha kpe avbe ẹzi kẹn, akpata ema, isẹ kevbe okpe.

I Krọnikol 15:28

Ẹre ivbi Izrẹl hia na lele Ẹkpẹti Ile gha die Jerusalẹm deba uwemwẹ oghọghọ, kevbe urhu okpe, ẹkperẹ kevbe ukusẹ deba urhu akpata.

II Krọnikol 20:28

I ran ghi sẹ ore ẹvbo iran ye akpata kevbe okpe si ọbọbọ gha rrie Ọgua Osa.

Psalm 47:5

Osanobua hin ẹkete ẹre gha khian. Uwemwẹ oghọghọ rrọ deba okpe ne a kpee vbe ẹghẹ ne Nọyaẹnmwa na gha hin khian.

Daniẹl 3:10

Wẹ ne Umogun ọ re ọ tae wẹ a gha suẹn emwi gha kpee, emwa hia ghi ghughẹrre ya uhunmwu rhanmwẹ otọ, ne amazẹ igoru,

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 3:5

Wa gha ghi họn vbe a kpe okpe, ẹgogo na lelẹe kevbe ighẹnghan, kevbe ukusẹ kevbe akpata, deba avbe emwi ọvbehe ne a ghi kpee hia. Wa gha wa họẹn vbe ọwarọkpa vbe ọ suẹnrẹn, wa ghi ghughẹrre ya uhunmwu rhanmwẹ otọ ne amazẹ ne ọba e Nebukiadneza maẹn.

Daniẹl 3:7

Rhunmwuda ọnii iran ghi wa họn vbe a kpee emwi ọwarọkpa nii, avbe emwa ni ke avbe uhunmwu ẹvbo rre nii kevbe ẹwae kevbe ẹvbo ne a zẹ keghi wa ghughẹrre ya uhunmwu rhanmwẹ otọ ne amazẹ ne Nebukiadneza maẹn.

Emọs 5:23

Wa dobọ ihuan owogho ne uwa so yi; I i ghi ho ne I họn ẹmwẹ akpata ne uwa kpe.

Emọs 6:5

Ihuan ne a ya rre ne aso vbene Devid gha ru ẹe, wa yẹ uwa, wa ghi vbe gha kpe ẹre vbe akpata.

I Samuẹl 10:5

U ghi gha rrie oke Osanobua ne ọ rre Gibea, ehe ne agọ ivbi e Filistia ọkpa ye. U gha sẹ onurho ẹvbo nii, u gha miẹn otu avbe akhasẹ eso ni tuorre ke aka ne ọ rre uhunmwu oke nii dee, iran gha kpe akpata, ema, ufere kevbe ẹgiọn. Iran ghi gha kuu, iran ghi gha golo.

I Samuẹl 16:16

Rhunmwuda ọnii, gie ima, ne ima ya gualọ ọmwa ne ọ guara kpe akpata rre. A deghẹ orhiọn dan ni ghi vbe rre, ọmwa nii ghi kpe akpata, orhiọn dan ghi kannọ obọ hin ruẹn egbe rre.”