II Samuẹl 6:21 - Edo Bible (E Baibol Ẹdo) Version 1996

²¹ E Devid keghi wanniẹn wẹẹ, “Te I gha kuu ne I ya ya ọghọ ne Nọyaẹnmwa ne ọ rhie obọ gberra erhaa kevbe ẹgbẹe ruẹ ọ na do zẹ mwẹ ne ọ ya mwẹ ru ọkaolotu ivbi Izrẹl ne emwa rẹn. Ẹn ẹn te I khian ye gha ku khian, ne I ya ya ọghọ ne Nọyaẹnmwa.

II Samuẹl 6:21 ပူးပေါင်းရင်းမြစ်များ

II Samuẹl 5:2

Ẹghẹ ne ọ gberra, vbe Sọl he re ọba ima, wẹ ọ re ọ gha viọ ivbi Izrẹl yo okuo, e Nọyaẹnmwa keghi vbe tama ruẹn wẹẹ, ‘U gha su emwa mwẹ, u ghi vbe gha re ne ọ khaemwisẹ yan iran.’ ”

II Samuẹl 6:14

Ukpọn eto ovbiohuẹ ọkpa ọ re Devid rra mu ẹkun, ọ kegha ya ẹtin ẹnrẹn hia kuu ne ọ ya ya ọghọ ne Nọyaẹnmwa.

II Samuẹl 6:16

A ghi wa mu Ẹkpẹti ni sẹ ore ẹvbo, e Mikal ne ovbi e Sọl ne okhuo keghi yọn urhu la ewindo ladian, ọ keghi ya bẹghe Devid ne ọba vbe ọ kuu, ọ gha fi obodo, ọ keghi wa sọnnọ ẹẹn ruan vbe aro.

II Samuẹl 6:22

Ne I ya dọlegbe fa egbe mwẹ uan sẹẹ ayọ. Wẹ sẹtin gha ro wẹ mẹ i re ọmwa, sokpan te avbe emọ ikhuo ni khian gha ghe mwẹ gẹdẹgbẹẹ.”

II Samuẹl 6:5

E Devid kevbe ivbi Izrẹl hia keghi wa gha ya ẹtin iran hia ku iran na gha so ihuan ne iran ya rho e Nọyaẹnmwa. Iran kegha kpe akpata, ẹgiọn, e ma, ẹgogo kevbe ukusẹ.

II Samuẹl 7:8

Rhunmwuda ọnii, ya tama Devid ne ọguọmwadia mwẹ wẹẹ, “Mẹ ne Nọyaẹnmwa ne Oghodua ọ re ọ tama rẹn wẹẹ, ‘I rhie ruẹ ke ehe ne u na su ohuan vbe uwu oha ladian ne u do su ivbi Izrẹl ne emwa mwẹ.

I Krọnikol 15:29

Vbene a wa mu Ẹkpẹti nii la adesẹ ore ẹvbo, e Mikal ne ovbi e Sọl keghi rhie aro la ewindo ghe ẹre, ọ keghi ya dẹghe Devid ne ọba, ọ gha kuu, ọ gha vbọ yo vbọ rre ne oghọghọ, ẹmwẹ ọnrẹn keghi sọnnọ ẹn ruan.

Iwinna 13:22

Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

I Samuẹl 13:14

Sokpan, banbanna nian, arriọba ruẹ i khian gha rrọọ khian. E Nọyaẹnmwa gha gualọ ọmwa ekhọe ẹre ne ọ ya ẹe ma ọba yan emwa rẹn, rhunmwuda, u ma họn ẹmwẹ ne Nọyaẹnmwa.”

I Samuẹl 15:28

E Samuẹl keghi tama rẹn wẹẹ, “E Nọyaẹnmwa yanghan arriọba Izrẹl hin ruẹn obọ rre ẹrẹna, ọ keghi mu ne ọmwa ọvbehe ne ọ maa sẹ ruẹ.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 16:12

Ẹre Jese na gie na a ya tie ẹre rre. Rẹn kegha re igbama ne ọ mose ẹsẹse kevbe ne egbe vbe rran, kevbe ne aro ẹre fi usanna. E Nọyaẹnmwa keghi tama e Samuẹl wẹẹ, “Ọna nọ, ma ẹre ọba!”