II Samuẹl 6:16 - Edo Bible (E Baibol Ẹdo) Version 1996

¹⁶ A ghi wa mu Ẹkpẹti ni sẹ ore ẹvbo, e Mikal ne ovbi e Sọl ne okhuo keghi yọn urhu la ewindo ladian, ọ keghi ya bẹghe Devid ne ọba vbe ọ kuu, ọ gha fi obodo, ọ keghi wa sọnnọ ẹẹn ruan vbe aro.

II Samuẹl 6:16 ပူးပေါင်းရင်းမြစ်များ

II Samuẹl 3:14

Ọ re Devid na gie ne a tama Isbosiẹt wẹẹ, “Rhie Mikal ne ọvbokhan mwẹ gun mwẹ, ukpikolo e Filistin iyisẹn (100) ọ re I hae yọ ya rhie ẹre rọnmwẹ.”

II Samuẹl 5:7

(Sokpan e Devid keghi ye khọn odin ọghe Zaiọn, ọna do khian “Ẹvbo e Devid.”)

II Samuẹl 6:15

Rẹn kevbe ivbi Izrẹl hia keghi gba mu Ẹkpẹti Ile nii gha die Jerusalẹm kevbe uwemwẹ oghọghọ kevbe urhu okpe.

II Samuẹl 6:20

E Devid keghi dọlegbe gha rrie owa ya tuẹ emwa rẹn. E Mikal ne ovbi e Sọl nokhuo keghi ya khian vba ẹre, ọ tama rẹn wẹẹ, “Ọba Izrẹl wa vbe mu eni ne ọ hin usi ne egbe ẹre ẹrẹna. Ọ na wa bannọ egbe ua ye otọ zẹ vbe ọzuọ vbe odaro eguọmwadia ni ikhuo ọghe avbe emwa ni rre asẹ vbe ototọ ẹre.”

I Krọnikol 15:29

Vbene a wa mu Ẹkpẹti nii la adesẹ ore ẹvbo, e Mikal ne ovbi e Sọl keghi rhie aro la ewindo ghe ẹre, ọ keghi ya dẹghe Devid ne ọba, ọ gha kuu, ọ gha vbọ yo vbọ rre ne oghọghọ, ẹmwẹ ọnrẹn keghi sọnnọ ẹn ruan.

Psalm 123:3

Tohan mwa Nọyaẹnmwa, tohan mwa; emwa ru ima emwi oya gbe.

Psalm 69:7

Rhunmwuda ruẹ ọ re a na tie ihẹn mẹ, ne a na vbe ya ekhue rhu mwẹ ginna otọ.

Aizaia 53:3

Ma zan rẹn a keghi vbe he ẹe yotọ. Ọ ziengbe oya kevbe obalọ, a ma miẹn orhiọnkpa ne ọ vbe tọn aro mu ghe ẹre ma keghi wa yangbe ẹe vbene a gha kha ighẹ ẹ i re emwi rhọkpa.

Iwinna 2:13

Sokpan, eso vbe uwu iran kegha ye ivbi iyayi na gbe ogie iran wẹẹ, “Ayọn ọre ọ gbe iran na!”

I Kọrinti 2:14

Sokpan ọmwa ne ẹ i mwẹ nene Orhiọn Ne Ọ Huanrẹn, ẹ i sẹtin rhan obọ miẹn ọhẹ ne ọ ke obọ Osanobua rre. Ẹmwata ẹ i rẹn emwi ne a ya ẹe kha, ẹmwẹ oya ehia khin vbe ehọ ẹre rhunmwuda orhiọn ne ọ huanrẹn ọre a ya sẹtin rẹn vbene uyi ẹre sẹ hẹ.

I Samuẹl 18:17

Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)

I Samuẹl 18:20

Sokpan e Mikal ne ovbi Sọl kegha ho ẹmwẹ e Devid, e Sọl ghi họn vberriọ, ọ keghi mobọ ya ẹko rhiẹnrhiẹn ọẹn.