II Samuẹl 6:12 - Edo Bible (E Baibol Ẹdo) Version 1996

¹² E Devid ne ọba keghi do họn wẹẹ, e Nọyaẹnmwa wa fiangbe ẹgbẹe Obẹd Idọm kevbe emwi ne ọ mwẹ hia, rhunmwuda Ẹkpẹti Ile ọ keghi rhunmwuda ọnii ya mu ẹẹn vbe owa Obẹd rre ne ọ do kpee mu ẹẹn gha rrie Jerusalẹm.

II Samuẹl 6:12 ပူးပေါင်းရင်းမြစ်များ

II Samuẹl 5:7

(Sokpan e Devid keghi ye khọn odin ọghe Zaiọn, ọna do khian “Ẹvbo e Devid.”)

I Ọba 8:1

E Solomọn ne ọba keghi gie ne a tie avbe ọkaolotu Izrẹl, ọka ẹgbẹe avbe uniẹn kevbe ẹwae, ne iran bu irẹn gha die Jerusalẹm, ne iran do ya mu Ẹkpẹti Ile e Nọyaẹnmwa ke Zaiọn ne ẹvbo e Devid gha die Ọgua Osa.

I Ọba 8:3

Avbe ọkaolotu ni hia ghi si egbe koko nẹ, avbe ohẹn keghi mu Ẹkpẹti Ile nii.

I Ọba 8:4

Avbe Livai keghi ru iyobọ ne iran, iran na dada ẹe ke ẹe kevbe owa ukpọn rẹn, ke ẹe kevbe emwi ne a ya te ẹre hia gha rrie Ọgua Osa.

I Krọnikol 15:15

Avbe Livai keghi ya erhan dada ẹe vbe izabọ zẹ vbene Nọyaẹnmwa la unu e Mosis tae.

I Krọnikol 15:25

Ẹre Devid ne ọba, avbe olotu Izrẹl kevbe avbe ekaokuo nekhua na gha rrie owa Obẹd Idọm ne iran ya mu Ẹkpẹti Ile gha dee, iran keghi ru emwiukpo nọkhua.

I Krọnikol 16:16

Ile ne ọ gu Ebraham ta, emwi ne ọ ve Aizik re.

I Krọnikol 26:4

Ne usun ọ re ọ vbe ye ighẹ Obẹd Idọm ne Osanobua ye emọ ikpia erẹnrẹn fiangbe. Iran ọ re ena khin vbene iran ya re ọdiọn: Siemaia, e Jehozabad, e Joa, e Saka, e Netanẹl,

I Krọnikol 26:5

Amiẹl, Isaka kevbe Puletaia.

II Krọnikol 5:2

Ẹre Solomọn ne ọba na tie avbe ọkaolotu ọghe dọmwadẹ ẹgbẹe kevbe ẹwae ni rre Izrẹl ne iran do miẹn egbe vbe Jerusalẹm, ne iran do mu Ẹkpẹti Ile e Nọyaẹnmwa ke Zaiọn ne Ẹvbo e Devid gha rrie Ọgua Osa.

Matiu 10:42

Wa vbe yerre wẹẹ, ọmwaikọmwa ne ọ sa ukpu amẹ nọfurre ne ne ọ kanmwa sẹ vbe uwu iran ni lele mwẹ na, rhunmwuda ighẹ ọmwa ne ọ lele mwẹ nọ, ẹ i mwẹ ọ ma rri ere ẹre.”