II Samuẹl 5:9 - Edo Bible (E Baibol Ẹdo) Version 1996

⁹ E Devid keghi di odin ẹvbo nii ya, ọ kegha tie ẹre “Ẹvbo e Devid” Ọ keghi gba ogba ikhẹ igbinna lẹga ẹre ke Iya ne a tie ẹre Mila yasẹ ẹguae.

II Samuẹl 5:9 ပူးပေါင်းရင်းမြစ်များ

II Samuẹl 5:7

(Sokpan e Devid keghi ye khọn odin ọghe Zaiọn, ọna do khian “Ẹvbo e Devid.”)

II Samuẹl 5:8

Ẹdẹ ne ẹdẹrriọ, e Devid keghi tama iran wẹẹ, “De ọmwa ne ohu emwa Jebus vbe mu vbene ọ mu mwẹ vbe uwu uwa yi? Ne ohu mu sẹrriọ ne ọ gha na gbele iran an? We ne ọ lele uroramẹ gha khian ne ọ ya kinmwi avbe uke kevbe arhuaro ne emwa oya.” (Ọna ọ si ẹe ne a na ta ẹe wẹẹ, “Avbe arhuaro kevbe avbe uke i sẹtin la owa e Nọyaẹnmwa.”)

II Samuẹl 6:10

Rhunmwuda ọnii, ọ na wẹ rẹn ighi mu rri e Jerusalẹm ne ẹvbo ẹre, ọ na ghi fi egbe werriẹ, ọ na mu ẹẹn gha rrie owa Obẹd Idọm ne ọ ke ẹvbo Gat rre.

I Ọba 11:27

Vbene nene isọtẹ ya yobọ ye otọ hẹ ọre ọna khin. E Solomọn kegha ran avbe uye ni rre odẹ ahọ ọghe Jerusalẹm, ọ na vbe gha rhie te ekẹn ne a gbe lẹga ẹvbo nii.

I Ọba 2:10

E Devid keghi wu, a na re ẹre ye Jerusalẹm.

I Ọba 9:15

Iwinna ne a ya ẹtin mu ọmwa winna ọ re Solomọn ya bọ Ọgua Osa kevbe ẹguae, ẹre ọ vbe ya zẹ ekẹn ran odẹ ahọ ẹvbo nii, kevbe ne ọ ya gbe ekẹn lẹga ẹvbo nii. Erriọ ọ re ọ vbe ya bọ ẹvbo Hazọ, Mẹgido kevbe Gẹzẹ.

I Ọba 9:24

E Solomọn keghi ya emwa vuọn otọe nii ne ọ rre odẹ ahọ ẹvbo nii iyeke vbe amwẹ ọnrẹn ne ovbi ọba Igipt ghi kpao vbe ẹvbo e Devid rre gha rrie ẹguae ne Solomọn bọ ne ẹẹn.

II Ọba 12:20

Eguọmwadia Joas ne ọba keghi khuan khẹ ọre, iran eva vbọ ne a tie ẹre Jozaka ne ovbi e Simiat kevbe Jehozabad ne ovbi e Siọma keghi gbe ẹe rua vbe owa ne a bọ ye uvun ne a ran rẹn vbe odẹ ahọ e Jerusalẹm vbe odẹ ne a la ye Silla. A keghi ya re Joas ye idin avbe ọba vbe Ẹvbo e Devid, Amazaia ne ovbi ẹre keghi rriọba lele ẹe.

I Krọnikol 11:8

a na do gha tie ẹre, “Ẹvbo e Devid.” Ọ keghi dọlegbe bọ ẹvbo nii, ọ na suẹn ọnrẹn vbe ehe ne a na ya ekẹn ran uye vbe obọ agọ ọghe oke nii, e Joab keghi ya khọn ehe ni ghi dekẹe vbe ẹvbo nii fo.

II Krọnikol 32:5

Ọba na dọlegbe dọlọ emwi ikhẹgbe ẹvbo nii yi, ọ na dọlọ ekẹn ne a gbe lẹga ẹre yi, ọ keghi bọlọ owa ọkhẹ ne gelete lele ẹe, ọ keghi vbe gbe ekẹn ne ọ ke ore. Vbe deba eni, ọ keghi vbe dọlọ emwi ikhẹ egbe ne a bọlọ ye uvun ne a ranrẹn ne ọ rre obọ ne ọ laghe ahọ vbe odẹ e Jerusalẹm nẹdẹ. Ọ keghi vbe dunmwu asoro kevbe asa ni bun.

Nehimaia 3:15

E Sialọm ne ovbi e Kọlhozẹ ne ọ kha yan otọ Mizpa keghi bọ Onurho Ẹzẹ. Ọ keghi ran onurho ne ọ rrọọ, ọ mu ẹkhu yọ, ọ kevbe viọ asigbe kevbe ogba yọ. A ghi vbe sẹ Ọghọdọ e Siẹla, ọ kevbe gbe ekẹn ne ọ diake ovbiugbo Ọba rhinrin ya sẹ ikpa owẹ ni ke Ẹvbo e Devid dee.

Psalm 122:3

Ẹvbo ne a dọlọ bọ ọ re ọghe ose, ye uviẹn kevbe ọfumwegbe ọ re Jerusalẹm khin.

Aizaia 29:1

Ọghe Jerusalẹm tobọẹre, ne ọ vbe re Ogiukpo Osanobua fo vbe otọ. Ọghe ẹvbo nii ne Devid bu agọ yi fo vbotọ. Gie ukpo okpa ra eva ọvbehe deba ugie kevbe emwi ukpo ne a ru vbọ vbe rre ne ọ vbe rrie,

Giọgis 9:20

Sokpan a deghẹ ẹ i re vberriọ, te erhẹn gha vẹn ke Abimẹlẹk ladian ne ọ giẹn emwa Siẹkẹm kevbe Bẹtmilo ruan, te erhẹn gha vẹn ke ehe ne ivbi e Siẹkẹm kevbe Bẹtmilo rre ne ọ giẹn Abimẹlẹk ruan.”

Giọgis 9:6

Iyeke ọnii, ivbi e Siẹkẹm kevbe Bẹtmilo hia keghi si egbe koko, iran na gha rrie ẹzi okan itaemwi ne ọ rre Siẹkẹm, iran na ya ma Abimẹlẹk ọba vbe evba.