II Samuẹl 5:3 - Edo Bible (E Baibol Ẹdo) Version 1996

³ Rhunmwuda ọnii, avbe ọkaolotu ivbi Izrẹl hia keghi hu e Devid ne ọba gha die Hibrọn. Ọ keghi ye egbe ye ulamwẹ ba iran, iran keghi ma ẹre ọba ọghe Izrẹl.

II Samuẹl 5:3 ပူးပေါင်းရင်းမြစ်များ

II Samuẹl 2:4

Ẹre ivbie Juda na gha die Hibrọn, iran na ma Devid ọba ọghe Juda. Ugbẹn vbe Devid ghi họn ighẹ ivbi ẹvbo Jabẹs ne Giliad re orinmwi e Sọl nẹ,

II Samuẹl 2:7

Wa ghi wegbe ne uwa vbe din. E Sọl ne ọba uwa wu nẹ nian, ivbi e Juda vbe ma mwẹ ọba iran.”

II Samuẹl 3:21

Abna keghi tama e Devid wẹẹ, “I ra ya fi emwa Izrẹl hia ekhọe werriẹ ne iran do gha re ọwuẹ nian Umogun. Iran gha rhan obọ miẹn ruẹn zẹ vbe ọba iran. Ẹghẹ nii emwi ne u ho ghi do sẹ uẹ obọ, u ghi do rriọba yan otọe nii hia.” E Devid keghi yan ma Abna wẹ, emwi rhọkpa i ra ru ẹe, ọ na zẹ ọre urrie.

I Ọba 1:34

ne Zadọk kevbe Natan ma ẹre ọba Izrẹl vbe evba, iyeke ọnii, wa ghi kpe okpe ne uwa datu wẹẹ, ‘E Solomọn ne ọba gha tọ ọ kpẹre.’

II Ọba 11:17

E Jehoiada ne ohẹn keghi ru ẹe ne Joas ne ọba kevbe emwa nii, gba rhie obọ ye ebe ne Nọyaẹnmwa wẹ, emwa e Nọyaẹnmwa iran ra gha khin, ọ kevbe ru ẹe ne ọba vbe emwa nii gba rhie obọ ye ebe.

I Krọnikol 11:1

Ivbi Izrẹl hia keghi bu e Devid gha rrie Hibrọn, iran tama rẹn wẹẹ, “Esagiẹn ọkpa ma gba khin.

I Krọnikol 11:3

Rhunmwuda ọnii, avbe ekaolotu ivbi Izrẹl hia keghi bu e Devid gha die Hibrọn, ọ na yo ulamwẹ ne iran, iran tue ori ye ọre uhunmwu iran keghi ma ẹre ọba Izrẹl zẹ vbene Nọyaẹnmwa la unu e Samuẹl tae zẹẹ.

I Krọnikol 28:4

E Nọyaẹnmwa ne ọ re Osanobua Izrẹl keghi zẹ mwẹ kevbe ivbi uniẹn mwẹ ne a gha khaemwisẹ yan Izrẹl ẹdẹdẹmwẹdẹ, ọ keghi zẹ ẹwae Juda ne iran gha rhie ọkaolotu ladian rre, ọ keghi zẹ ẹgbẹe erha mwẹ vbe Juda. Ọ kevbe ye ọre ne ọ zẹ mwẹ vbe uwu ẹgbẹe ni hia ne ọ ya mwẹ rriọba Izrẹl hia.

II Krọnikol 23:16

E Jehoiada ne ohẹn keghi rhie ọba Joas ba egbe kevbe avbe emwa nii, iran na ru eyan wẹ iran ghaa re emwa e Nọyaẹnmwa.

Nehimaia 9:38

Rhunmwuda avbe emwi na ni sunu hia, ma ne ivbi Izrẹl rhie obọ ye ebe nian vbe iro ne a zẹ gba, a keghi gbẹn ọẹn ye otọ, avbe ọkaolotu ima avbe Livai kevbe avbe ohẹn ima, keghi yi ẹre okhi.

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Jọsua 10:36

Vbe iyeke ọna, e Jọsua kevbe ivbiyokuo ẹre keghi ke Ẹgiọn gha rrie Hibrọn ne ẹvbo oke. Iran na dekun ẹnrẹn.

Giọgis 11:11

Ẹre Jẹfta ghi na lele avbe ọkaolotu nii gha rre Giliad, iran ke ya ẹe ru ne ọ khaemwisẹ kevbe olotu iran. E Jẹfta keghi hẹnhẹn unu emwi hia vbe Mizpa, vbe odaro e Nọyaẹnmwa.

I Samuẹl 11:15

Ẹre iran hia na gha rrie Gilgal, evba nii, vbe ehe ne ọ huanrẹn, iran keghi ma e Sọl ọba. Iran keghi si isara, e Sọl kevbe ivbi Izrẹl keghi ghọghọ ye emwi ne ọ sunu na.

I Samuẹl 16:13

E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.

I Samuẹl 23:18

Iran eva keghi gba vẹn ihẹn ne egbe. E Devid kegha rrie Hores, e Jonatan na gha rrie owa.