II Samuẹl 5:18 - Edo Bible (E Baibol Ẹdo) Version 1996

¹⁸ Avbe Filistin kegha die Iya Refeim, iran na mu evba mwẹ.

II Samuẹl 5:18 ပူးပေါင်းရင်းမြစ်များ

Gẹnẹsis 14:5

Vbe ukpo nogiwenẹ, Kiedolaoma kevbe iran ne ọ guẹe ku obọ gbe bu iran gha dee, iran keghi khọn miẹn Refeim otọ vbe Astarrọt-kanem, Zuzim ne Ham, emwi ne ọ rre otọ nọ rriẹe ọghe kirriatam.

II Samuẹl 23:13

Ọ ghi bu ẹghẹ ne a ya rhọ emwiorhọ, eha vbe uwu “Iran ne ọgban” keghi bu e Devid gha rrie uvun okuta Adulam, vbe oka ivbi e Filistin eso gha rre ọkhẹ vbe Iya Rẹfem.

II Samuẹl 5:22

Avbe ivbi e Filistin keghi werriegbe gha rrie Iya Refeim, iran na vbe ya dọlegbe mu ẹẹn mwẹ.

I Krọnikol 11:15

Ọ ghi sẹ ẹdẹ ọkpa, eha vbe uwu avbe iyokuo ọgban nii hin usi sẹ kegha rrie okuta nọkhua ne Devid na gha rre ọkpẹn uvun okuta Adulam, vbe avbe ivbiyokuo e Filistin bu agọ ye Iya e Refeim.

Aizaia 17:5

Izrẹl ghi do ye vbe ugbo ne a na fian ọka rhọ emwiokọ ni rrọ nẹ. Ọ ghi dihoi rua zẹ vbe ugbo ni rre iya e Refeim vbe a ghi wa gbẹn ọẹn mu otọ nẹ.

Jọsua 15:8

Ọ kevbe laghe odukhunmwu gha rrie iya ivbi e Hinọn ne ọ rre odẹ ekẹn ọghe ọgbagba oke ọghe Jebus ehe ne Jerusalẹm ye. Uwu ẹre keghi gha khian ya sẹ uhunmwu oke ne ọ mu aro da Iya Hinọn vbe odẹ orrie vbe odẹ okuọ ọghe ehe ne Iya Refeim na fo.

Jọsua 17:15

E Jọsua keghi wanniẹn wẹẹ, “A deghẹ wa bun vberriọ ighẹ ẹvbo oke ọghe Ifreim ma gua uwa, wa la ghe uwu ẹgbo khekherriọ ne uwa ya fie ne egbe uwa vbe otọ avbe emwa Pẹriz kevbe Refeim.”

Jọsua 18:16

Ọ na ghi ke evba gha rrie ọkpẹn oke ne a ke ghe Iya e Hinọm vbe odẹ ufomwẹ ne ọ muda okuọ ọghe iya Refeim. Ọ keghi lele Iya Hinọm la gha odẹ ekẹn, vbe odẹ ekẹn ọghe iya Jebus vbe odẹ Ẹnrogẹl.