II Samuẹl 5:13 - Edo Bible (E Baibol Ẹdo) Version 1996

¹³ Ọ ghi si kpao vbe Hibrọn rre nẹ, e Devid keghi ye vbe zẹ egbakhian ni bun, ọ kevbe viọ ikhuo ni bun vbe Jerusalẹm, ọ na ye vbe biẹlẹ emọ ikpia kevbe emọ ikhuo ni bun.

II Samuẹl 5:13 ပူးပေါင်းရင်းမြစ်များ

II Samuẹl 12:2

Enọfe ne ọ rrọọ kegha mwẹ ẹmila kevbe ohuan ni bun ẹsẹse.

II Samuẹl 5:12

Ẹre e Devid na do rẹn wẹ te Nọyaẹnmwa gele ka irẹn uhe ye ukpo zẹ vbe ọba Izrẹl, ọ kevbe gie arriọba irẹn gha ma rhunmwuda emwa rẹn.

I Ọba 11:3

E Solomọn keghi viọ ikhuo ni re ivbiọba iyisẹn yan arria eha (700) rọnmwẹ. Ọ keghi vbe zẹlẹ ọse iyisẹn yan uri (300). Iran keghi ya ẹe fi iyeke gbe Osanobua,

I Krọnikol 3:1

Emọ ne Devid biẹlẹ vbe Hibrọn ena khin zẹ vbe ne ọ ya biẹlẹ iran lele egbe. Amnọn ne iye ẹe ighẹ Ahinoam ke Jezrẹl rre. E Daniẹl ne iye ẹe ighẹ Abigẹl ke Kamẹl rre. Absalọm ne iye ẹe re Maaka ne ovbi Talmai ne ọba e Gẹsiọ. Adonaija ne iye ẹe re Hagit. Siefatia ne iye ẹe re Abital. Itram ne iye ẹe re Egla.

I Krọnikol 3:9

Avbe ọse ne ọ zẹlẹe kevbe biẹlẹ emọ ikpia ọvbehe ba enena ne Devid, ọ kevbe gha mwẹ ọmọ okhuo ọkpa ne a tie ẹre Tama.

II Krọnikol 13:21

Sokpan, ẹtin Abija kegha kpọlọ yọ. Ọ kegha mwẹ ikhuo iwenẹ, ọ keghi biẹlẹ emọ ikpia evayan ugie, kevbe emọ ikhuo enẹirrọvbugie.

Diuteronomi 17:17

Ọba ghẹ viọ ikhuo ni bun, ọna gha ya ẹe fi iyeke gbe Nọyaẹnmwa, ọ ghẹ ya esiliva kevbe igoru họn ẹfe ne egbe ẹre.

I Samuẹl 25:43

E Devid keghi rhie Ahinoam ne ovbi ẹvbo ne a tie ẹre Jezrẹl rọnmwẹ, Abigẹl keghi vbe do gha re amwẹ ọnrẹn na.