II Samuẹl 5:11 - Edo Bible (E Baibol Ẹdo) Version 1996

¹¹ E Hiram ne Ọba e Taia keghi gie avbe ukọ ẹvbo mu ẹki bu e Devid, ọ na viọ erhan igẹdu gie ẹe, kevbe avbe owinna, kevbe igbokuta, ne iran ya bọ ẹguae ẹre ne ẹẹn.

II Samuẹl 5:11 ပူးပေါင်းရင်းမြစ်များ

II Samuẹl 5:12

Ẹre e Devid na do rẹn wẹ te Nọyaẹnmwa gele ka irẹn uhe ye ukpo zẹ vbe ọba Izrẹl, ọ kevbe gie arriọba irẹn gha ma rhunmwuda emwa rẹn.

II Samuẹl 7:1

Vbe ẹghẹ na nian, te obọ e Devid ghi wa gba otọe arriọba ẹre hia ẹsẹse, e Nọyaẹnmwa keghi vbe rhie ẹre lẹre hin obọ avbe eghian rẹn hia rre.

II Samuẹl 7:2

Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

I Ọba 5:15

E Solomọn keghi vbe mwẹ arhin arriaisẹn iyenẹ (80,000) vbe ẹvbo uhunmwu oke, iran kegha gbe okuta, iran ni ka ẹre kegha re arriaisẹn ekigbe siyenẹ (70,000).

I Ọba 5:18

Emwa iwinna Solomọn kevbe Hiram, kevbe emwa ni ke Biblọs rre, keghi giagia avbe okuta kevbe olita ne a ra ya bọ Ọgua Osa.

I Krọnikol 14:1

E Hiram ne ọba e Taia keghi gie ukọ ẹki ne a do bu e Devid. Ọ keghi viọ erhan sida kevbe avbe igbokuta kevbe avbe owinna ne ẹẹn ne ọ ya bọ ẹguae.

Ẹzra 3:7

Emwa nii keghi zẹ igho ne a ha ne iran ni ya okuta bọ owa kevbe avbe owinna, iran keghi vbe ni evbare kevbe ayọn kevbe ofigbọn oliv, ne a viọ gha rrie Taia kevbe vbe Saidọn, ne a ya dẹlẹ erhan vbe ẹgbo e Lebanọn, kevbe ne a vbe guae la okun gha rrie Jopa. E Sairọs ne ọgbaisi ọghe Pẹsia kue yọ nẹ, a kegha ru avbe emwi na hia.

Psalm 30:1

I rho ruẹ Nọyaẹnmwa, rhunmwuda u miẹn mwẹ fan nẹ, u ma gie avbe eghian mwẹ ghọghọ mwẹ.

Ezikiẹl 26:2

“Ovbi ọmwa, ghe emwi ne ivbi e Taia wee ba. Iran gha go kha wẹ a guọghọ e Jerusalẹm nẹ! Ẹtin ẹki ne ọ te do fo. Ẹ i ghi gu ima suan ọvbehe!

Jọsua 19:29

Uwu keghi laghe odẹ Rama, ọ keghi ya sẹ Taia ne ẹvbo ne a gbe ekẹn gaa, ọ na ghi laghe odẹ Hosa, ọ na ya fo ye Okun Meditẹrrenian. Usun avbe ẹvbo ni rrọọ kegha re: Mabalab, Akzib.