II Samuẹl 5:1 - Edo Bible (E Baibol Ẹdo) Version 1996

¹ Ewae ni rre Izrẹl hia keghi bu e Devid gha die Hibrọn, iran tama rẹn wẹẹ, “Esagiẹn ọkpa ma khin.

II Samuẹl 5:1 ပူးပေါင်းရင်းမြစ်များ

Gẹnẹsis 29:14

E Leban keghi tama rẹn wẹẹ, “Erriọ nọ vbe ẹmwata ma i zẹdẹ re ehiyo.” E Jekọb keghi tota vbe evba la uki ọkpa.

II Samuẹl 19:12

Wa ọrọre etẹn mwẹ, esagiẹn ọkpa, kevbe efun mwẹ, vbe uwa ghi na re emwa okiekie hẹ ne ọ gha dọlegbe rhie mwẹ gha di owa.”

II Samuẹl 19:13

E Devid kevbe wẹ ne iran tama Amasa wẹẹ, “Ọtẹn mwẹ ọ re u khin. Ke ẹghẹ na kpao, I ya ru ọkaolotu ivbiyokuo ye ihe e Joab. Te Osanobua gha gbe mwẹ uan, a deghẹ I ma ru vberriọ.”

II Samuẹl 19:14

Ẹmwẹ ne Devid ta ẹe keghi wa mu ekhọe emwa e Juda hia, iran keghi gie ne a tama rẹn wẹ ne ọ werriegbe gha dee irẹn kevbe ekhaẹmwẹ ọnrẹn hia.

II Samuẹl 19:43

Ivbi Izrẹl keghi wanniẹn wẹẹ, “Ukhukhu igbe ọ re ọ ya kan ima ighẹ vbene ẹmwẹ e Devid ne ọba ya kan uwa, ọ gha rhe gha re ovbi uwa. Vbe uwa a ghi na kpe amẹ isikan ku ima hẹ? A deghẹ erriọ nọ khekherriọ, ma ọ re ọ ka ziro wẹ ne a ya rhie ọba werriegbe rre!” Sokpan ivbi e Juda ọ re ukpẹ ọre tua sẹ ọghe ivbi Izrẹl vbe ẹzọ ima ọ yan rẹn ne iran gha gui.

II Samuẹl 2:32

E Joab kevbe emwa rẹn keghi mu ikun Asahẹl, iran na ya re ẹre ye idin ẹgbẹe ne ọ rre Bẹtlẹhẹm. Iyeke ọnii, iran keghi wa ye asọn hia khian, iran na do sẹ Hibrọn vbe ẹdẹ ghi da wan.

Ẹfisọs 5:30

Rhunmwuda egbe ẹre ọre ima khin.)

Diuteronomi 17:15

Wa gie aro da ẹe wẹ emwa ne uwa zẹ ne ọ gha re ọba ighẹ ọmwa ne Nọyaẹnmwa zẹ nẹ ọ re nọ. Ọ ghi gha re ọkpa vbe uwu avbe ivbi uwa, wa ghẹ ye ọrriọvbe ma ọba uwa.

Hibru 2:14

Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.

Jọsua 10:36

Vbe iyeke ọna, e Jọsua kevbe ivbiyokuo ẹre keghi ke Ẹgiọn gha rrie Hibrọn ne ẹvbo oke. Iran na dekun ẹnrẹn.

Giọgis 9:2

Wẹ ne iran nọ emwa Siẹkẹm wẹẹ, “De ne ọ ye uwa sẹ vbọ? Ne ivbi e Gidiọn ekigbesiyenẹ hia gha kha yan uwa ra ne orhiọnkpa gha kha yan uwa? Wa yerre wẹ esagiẹn kevbe egbe uwa ọre Abimẹlẹk khin.”