II Samuẹl 4:8 - Edo Bible (E Baibol Ẹdo) Version 1996

⁸ Iran na mu uhunmwu ẹnrẹn gie Devid ne Ọba vbe Hibrọn, iran tama rẹn wẹẹ, “Ghe uhunmwu Isbosiẹt ne ovbiye Sọl ne oghian an, ọ te gha ho ne ọ gbe uẹ ua. Vbe ẹdẹ nẹrẹ na nian, e Nọyaẹnmwa khọn ekhae nuẹn, Umogun, vbe egbe Sọl kevbe uniẹn ọnrẹn.”

II Samuẹl 4:8 ပူးပေါင်းရင်းမြစ်များ

II Samuẹl 18:19

Ẹre Ahimaz ne ovbi e Zadọk na khama e Joab wẹẹ, “Gun mwẹ rhulẹ ya na iyẹn oghọghọ na ma ọba wẹ, e Nọyaẹnmwa miẹn rẹn fan vbe obọ eghian rẹn nẹ.”

II Samuẹl 18:31

Ẹre ovbi Sudan ne ọviẹn nii na rre, ọ keghi tama ọba wẹẹ, “Iyẹn oghọghọ ọ re I rhie rre Umogun. Ẹdẹnẹrẹ na, e Nọyaẹnmwa gie obọ ruẹ ke okhunmwu ne iran ni sọtẹ ghe ruẹ!”

II Samuẹl 2:8

Abna ne ovbi e Niẹ, ne ọkaokuo ne ọ gbearoghe ivbiyokuo e Sọl, lẹ lele Isbosiẹt ne ovbi e Sọl fian Jọdan rra gha rrie Mahanem.

II Samuẹl 22:48

Ọ rhie akhọnmiotọ mẹ vbe uhunmwu eghian mwẹ, ọ hie emwa ni uhunmwu rre vbe ototọ mwẹ.

Psalm 71:24

I gha na iyẹn umamwẹ ruẹn ne ebi ro, rhunmwuda, iran ni te ho ne iran kuan mwẹ, obọ gba iran a keghi fa iran an.

Matiu 2:20

Ọ wẹẹ, “Kpaegbe, mu ọmọ ni kevbe iye ẹe ne uwa gha rrie otọe Izrẹl rhunmwuda iran ni te gualọ ọmọ ni ne iran gbe ẹe rua wulo nẹ.”

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”

I Samuẹl 18:11

E Sọl keghi ya ekhọe ẹre ta ẹe wẹẹ, “I gha hae ginna ekẹn.” Ọ na fi asoro ni gie ẹe igba eva sokpan, e Devid keghi gban egbe nẹ vbe eveva.

I Samuẹl 19:1

E Sọl keghi tama e Jonatan ne ovbi ẹre kevbe avbe ivbiyokuo ẹre wẹ rẹn ho ne irẹn gbe Devid rua, sokpan, e Jonatan kegha ho ẹmwẹ e Devid ẹsẹse.

I Samuẹl 19:15

Sokpan, e Sọl keghi gie iran werriegbe ne iran ya ye aro iran tobọ iran miẹn Devid, ọ tama iran wẹẹ, “Wa mu ẹẹn mu ewa ne ọ lovbiẹ yi gha die emwa, mẹ gha gbe ẹe rua.”

I Samuẹl 20:1

Ẹre Devid na lẹ kpao vbe Naiọt ne Rama rre, ọ na bu e Jonatan gha khian ya tama rẹn wẹẹ, “De emwi ne I ru? De a i ghẹ ru ne I ru? De abakuru ne I ru ghe erha a ne ọ na ho ne ọ gbe mwẹ uan?”

I Samuẹl 23:15

Sevba, te ohan ye gha mu e Devid rhunmwuda, te Sọl wa mu egbe ne ọ gbe ẹe rua. E Devid kegha rre Hores vbe ẹvbo oha vbe ọkpẹn Zif.

I Samuẹl 24:4

Iran keghi tama rẹn wẹẹ, “Ẹghẹ ruẹ ọna khin na, e Nọyaẹnmwa tama ruẹn wẹ rẹn gha rhie eghian ruẹn yan ruẹn obọ, u ghi ru ẹre emwi ne ọ rhirhi khọn ruẹn.” E Devid keghi baba gha khian, ọ na ya fian vbe ehọ ukpọn ẹwu e Sọl vbene Sọl ma na rẹn.

I Samuẹl 25:29

Adeghẹ ọmwaikọmwa vbe dekun ruẹn, ọ na wẹ rẹn ra gbe ua, e Nọyaẹnmwa, Osanobua ruẹ gha rhie ruẹ lẹre, zẹ vbene ọmwa rhie emwi ighobioye lẹre. Zẹ vbe ọghe avbe eghian ruẹn, vbene ọ rhirhi a gha ye hẹ, e Nọyaẹnmwa gha filo iran kua zẹ vbe ne ọmwa ye umọvọn filo okuta kua.