II Samuẹl 4:5 - Edo Bible (E Baibol Ẹdo) Version 1996

⁵ Rekab kevbe Baana kegha rrie owa Isbosiẹt iran na sẹ evba vbe ẹghẹ ogiavan vbe ẹghẹ ne ọ ya hẹwẹ vbe avan nii.

II Samuẹl 4:5 ပူးပေါင်းရင်းမြစ်များ

II Samuẹl 11:2

Ẹdẹ ọkpa, vbe ẹdẹ ghi ye egbe rrie odẹ ẹdogbota nẹ, e Devid keghi kpaegbe vbe ovbe avan ne ọ vbiẹre, ọ keghi hin egedege ẹguae. Ọ kegha hẹko khian lẹga vbe odukhunmwu nii, evba ọ re ọ na ya bẹghe okhuo ne ọ khuẹ. Okhuo na keghi wa mose ẹsẹse.

II Samuẹl 2:8

Abna ne ovbi e Niẹ, ne ọkaokuo ne ọ gbearoghe ivbiyokuo e Sọl, lẹ lele Isbosiẹt ne ovbi e Sọl fian Jọdan rra gha rrie Mahanem.

II Samuẹl 4:2

Isbosiẹt kegha mwẹ arhin eva ni rre asẹ, iran ni ya gha fu emwi giẹe, iran na kegha re Baana kevbe Rekab ne ivbi e Rimọn ne ovbi ẹvbo ne a tie ẹre Biẹrot vbe ẹwae Bẹnjamin. (Otọe e Bẹnjamin ọ re a ka Biẹrot ba.

I Ọba 16:9

E Zimri ne ọ re ọkpa vbe uwu emwa rẹn ni gbe aro ghe obọkpa vbe a wa ikẹkẹ okuo ọba ye ihe eva keghi khuan khẹ ọre. Ẹdẹ ọkpa, ọba keghi da ayọn ne ọ gha gbe ẹe vbe Tiza vbe owa Aza ne ọ gbearoghe ẹguae.

II Krọnikol 24:25

Obọ keghi daa ẹe ẹsẹse vbe emwi vba re, ugbẹn vbe avbe eghian ghi kpao nẹ, eva vbe uwu avbe ọkaokuo ẹre keghi khuan khẹ ọre, iran na gbẹe rua ye ukpo ne ọ lovbiẹ yi, ne iran ya rria ikhi ye ovbi e Jehoiada ne ohẹn, ne ọ gbe ua. Iran keghi re ẹre ye ore Ẹvbo e Devid sokpan, ẹ i re ye idin avbe ọba.

II Krọnikol 25:27

Ke ẹghẹ ne ọ ya fidọn ghe e Nọyaẹnmwa kpao, ọre emwa kegha khuan khẹ ọre vbe Jerusalẹm. Vbe okiekie ọ keghi lẹ gha rrie Lakis, sokpan, avbe eghian keghi lele ẹe se evba iran na gbe ẹe rua.

II Krọnikol 33:24

Avbe irriegie ni rre ivbi Amọn keghi khuan khẹ ọre iran na gbe ẹe rua vbe uwu ẹguae.