II Samuẹl 4:4 - Edo Bible (E Baibol Ẹdo) Version 1996

⁴ E Jonatan ne ovbi e Sọl kegha mwẹ ọmọ, ne a tie ẹre Mẹfibosiẹt. Ẹghẹ ne ọ na rre ọmọ ukpo isẹn ọ re a na họn emwi ne ọ sunu vbe egbe Sọl kevbe Jonatan vbe ne iran ta ẹe ke Jezrẹl rre. Ọmwa ne ọ gha koko ẹe keghi wa tọn ẹn mu, ọ na lẹ sokpan, ehe ne ọ na khirhi khian ni, ọ keghi fe ẹre obọ degbe otọ, ọ re ọ na khian uke.

II Samuẹl 4:4 ပူးပေါင်းရင်းမြစ်များ

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

II Samuẹl 9:13

E Mẹfibosiẹt ne owẹ ọre eveva luẹluẹe, kegha rre Jerusalẹm, ọ na vbe gha rrie evbare ẹre hia vbe eteburu ọba.

II Samuẹl 9:3

Ọba keghi nọ rẹn wẹẹ, “Ọmwa rhọkpa ye kẹe vbe ẹgbẹe Sọl ra ne I gha tohan rẹn, ne I vbe ru ẹse ne ẹẹn zẹ vbene I yan ma Osanobua ighẹ I gha ru?” E Ziba keghi wanniẹn wẹẹ, “Ọkpa ye kẹe vbe ivbi e Jonatan, uke nọ.”

II Samuẹl 9:6

E Mẹfibosiẹt ne ovbi e Jonatan kevbe eyẹ e Sọl ghi rre, ọ keghi ya ọghọ ghughẹ rre vbe odaro e Devid. E Devid keghi kha wẹẹ, “Mẹfibosiẹt!” Rẹn keghi wanniẹn wẹẹ, “Ghe ọguọmwadia ruẹ enọwanrẹn.”

I Ọba 11:17

Sokpan e Hadad kevbe ivbi Idọm ni gha re eguọmwadia erha ẹe keghi lẹ gha rrie Igipt. Vbe ẹghẹ ne a kha na ọvbokhan kherhe ọre Hadad gha khin.

I Krọnikol 8:34

E Jonatan ọ re ọ gha re erha Meribal ne ọ biẹ Maika.

I Krọnikol 9:40

E Jonatan ọ gha re erha Meribal, ne o gha re erha Maika.

I Samuẹl 29:1

Ivbi e Filistin keghi viọ ivbiyokuo iran gha die Afẹk, vbene ivbi Izrẹl na si agọ iran bu ye ovbi ẹzẹ ne ọ rre Iya Jezrẹl.

I Samuẹl 29:11

Ẹre Devid kevbe emwa rẹn na kpao vbe owiẹ vbirrivbirri vbe ẹdẹ ne ọ lele ẹe, iran na dọlegbe gha rrie Filistin. Ivbi e Filistin kegha rrie Jezrẹl.