II Samuẹl 4:12 - Edo Bible (E Baibol Ẹdo) Version 1996

¹² E Devid keghi wẹ ne emwa rẹn gbele Rekab kevbe Baana, iran keghi gbele iran uan, iran na giagia iran obọ giagia iran owẹ, iran na silo iran lẹe rrọ ye ọkpẹn uhẹnhẹn amẹ ọghe Hibrọn. Ira keghi mu uhunmwu Isbosiẹt, iran na re ẹre ye idin Abna vbe Hibrọn.

II Samuẹl 4:12 ပူးပေါင်းရင်းမြစ်များ

II Samuẹl 1:15

Ẹre Devid ghi na tie ọkpa vbe uwu avbe emwa rẹn, ọ keghi tama rẹn wẹẹ, “Gbe ẹe rua!” Okpia nii keghi fi ovbi Amalẹk nii emwi, ọ na gbẹe rua.

II Samuẹl 16:8

U mu arriọba e Sọl, te Nọyaẹnmwa ghi rria ruẹ ikhi na ba ẹmwẹ emwa ẹgbẹe e Sọl ne u gbele ua. Banbanna nian, e Nọyaẹnmwa vbe mu arriọba nii ne Absalọm ne ovbi uẹ nẹ, ọwuẹ fo nẹ vbe agbọn, wẹ ne izigha!”

II Samuẹl 2:8

Abna ne ovbi e Niẹ, ne ọkaokuo ne ọ gbearoghe ivbiyokuo e Sọl, lẹ lele Isbosiẹt ne ovbi e Sọl fian Jọdan rra gha rrie Mahanem.

II Samuẹl 21:9

E Devid keghi viọ iran ne ivbi e Gibiọn, iran na silo iran rrọ vbe uhunmwu oke ne ọ rre odaro e Nọyaẹnmwa. Iran ihinrọn nii keghi wulo kugbe. Ẹghẹ ahọ uyunmwu ọ re a na gbele iran an vbe ẹghẹ ne a ya suẹn ọka irhuarhua ne a fian.

II Samuẹl 3:32

Iran keghi re Abna ye Hibrọn. Ọba keghi kpe orhu eve ua vbe ọkpẹn idin ẹnrẹn, erriọ emwa rẹn hia vbe ru.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Matiu 7:2

Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.