II Samuẹl 3:9 - Edo Bible (E Baibol Ẹdo) Version 1996

^9-10 E Nọyaẹnmwa yan ma e Devid wẹ rẹn gha mu arriọba hin obọ e Sọl kevbe uniẹn ọnrẹn hia rre, rẹn ghi ma e Devid ọba Izrẹl kevbe ọghe Juda la ehe ne otọe nii sẹe, ehe ne ọ rhanmwẹ. Banbanna nian, te Osanobua gha kinmwi mwẹ gbe ua, a deghẹ I ma ru ẹe ne ọ gele do sẹ vberriọ!”

II Samuẹl 3:9 ပူးပေါင်းရင်းမြစ်များ

II Samuẹl 19:13

E Devid kevbe wẹ ne iran tama Amasa wẹẹ, “Ọtẹn mwẹ ọ re u khin. Ke ẹghẹ na kpao, I ya ru ọkaolotu ivbiyokuo ye ihe e Joab. Te Osanobua gha gbe mwẹ uan, a deghẹ I ma ru vberriọ.”

II Samuẹl 19:14

Ẹmwẹ ne Devid ta ẹe keghi wa mu ekhọe emwa e Juda hia, iran keghi gie ne a tama rẹn wẹ ne ọ werriegbe gha dee irẹn kevbe ekhaẹmwẹ ọnrẹn hia.

II Samuẹl 3:35

Emwa nii keghi te gha rherhe e Devid wẹ ne ọ rri evbare vbe ẹdẹ te mu ẹdẹrriọ, sokpan rẹn keghi yan wẹẹ, “Te Osanobua gha kinmwi mwẹ gbua a deghẹ I ya unu kan evbare ẹdẹ te mu ẹrẹna.”

I Ọba 19:2

Okhuo ni keghi gie ne a tama Elaija wẹẹ: “Te avbe ẹbọ gha kinmwi mwẹ gbe ua a deghẹ ọ te sẹ ẹghẹ na akhuẹ mẹ ma ru uwẹ zẹ vbene u ru avbe akhasẹ nii.”

I Ọba 2:23

Ẹre Solomọn na yan wẹẹ, “Te Osanobua gha kinmwi mwẹ gbe ua a deghẹ ima ru ẹe ne Adonaija ye uhunmwu khiọ emwi ne ọ nọ rẹn na!

I Krọnikol 12:23

Ẹghẹ ne Devid na gha rre Hibrọn, ivbiyokuo ne a ma ẹre emwi ni bun ọre ọ ya deba ẹre ne iran ru iyobọ ya ma ẹre ọba zẹ vbene Nọyaẹnmwa tae ye otọ. Avbe iran ni ọ re ena khin: E Juda: arhin uri i rrọ vbe arriaisẹn ihinrọn (6,800) ni mwẹ emwi igbinna ọghe asa kevbe asoro. E Simiọn: arhin iyisẹn yan arriaisẹn ihinrọn (7,100) ne a ma ẹre emwi ẹsẹse; E Livai: arhin arria eha yan arriaisẹn enẹ (4,600); Ivbi uniẹn Errọn ni lele Jehoiada: iyisen yan arriaeha yan arriaisẹn eha (3,700); Etẹn e Zadọk ne ọmọ ne igbinna gua ẹre obọ ro kegha re arhin eva yan ugie (22) nihiunsi; Bẹnjamin (uniẹn e Sọl tobọre): arhin arriaisẹn eha (3,000). Iran nibun sẹ vbe Bẹnjamin ọ re ọ wa yegbe ba e Sọl; Ifreim: arria enẹ yan arriaisẹn ugie (20,800) ni wa hin usi vbe ẹwae iran; E Manasẹ ne orrie: arhin arriaisẹn evairrọ vbe ugie (18,000) ne a zẹe ne iran ya ma Devid ọba. Isaka: Ekaolotu uri (200) deba emwa ni rre ototọ asẹ iran (avbe ekaolotu na rẹn emwi ne ọ kere ne Izrẹl ru ke ẹghẹ ne ọ ke yi ne a ya ruẹe;) E Zebulọn: arhin arriaisẹn ekigbe siyeha (50,000) emwa ni gie a ya egbe yan kevbe ni mu egbe vbe ẹghẹ hia ni iran ya gbinna, emwa ne a ma ẹre emwi vbene a lo emwi igbinna ne ọ rhirhi a gha khin hẹ; E Naftali: avbe ekaolotu arriaisẹn (1,000) do deba arhin arriaisẹn ehairrọ vbe iyeva (37,000) ne a viọ emwi igbinna asa kevbe asoro na; E Dan: arhin arriaeha yan arriaisẹn evairrọ vbe ọgban (28,600) ne a ma ẹre emwi; Asia: arhin arriaisẹn iyeva (40,000) ni mu egbe ne iran ya gbinna vbe okuo. Ẹwae ni rre odẹ ahọ e Jọdan kegha re Riubẹn, e Gad kevbe Manasẹ ne odẹ Ahọ: Arhin arriaisẹn iyehan (120,000) ne a ma ẹre vbene a lo emwi igbinna ne ọ rhirhi gha khin hẹ.

Ebe Rut 1:17

Ehe ne u wu yi ọ re I gha vbe wu yi, evba ọ re a ra vbe re mwẹ yi. Te oya ne ọ ghi wegbe sẹ ne Nọyaẹnmwa rri ọmwa re gha hihiẹ yan mwẹ, a deghẹ I gie emwi ọvbehe ya mwẹ kpao sẹ uẹ rae vbe ẹ i re uwu!”

I Samuẹl 14:44

E Sọl keghi tama rẹn wẹẹ, “Te Osanobua gha kinmwi mwẹ gbe ua ẹrẹna, a deghẹ a ma gbe ua.”

I Samuẹl 15:28

E Samuẹl keghi tama rẹn wẹẹ, “E Nọyaẹnmwa yanghan arriọba Izrẹl hin ruẹn obọ rre ẹrẹna, ọ keghi mu ne ọmwa ọvbehe ne ọ maa sẹ ruẹ.

I Samuẹl 25:22

Te Osanobua gha kinmwi mwẹ gbe ua a deghẹ ima gbele emwa rẹn hia ne ọ ghẹ ghi ke ẹe vbọ ọ te sẹ owiẹ!”

I Samuẹl 28:17

Emwi ne Nọyaẹnmwa wẹ ne I tama ruẹn ẹghẹ nii ọ re ọ ru uẹ re na, e Nọyaẹnmwa miẹn ruẹn arriọba ni nẹ, ọ na mu ne Devid.

I Samuẹl 3:17

Elai keghi nọ rẹn wẹẹ, “De emwi ne Nọyaẹnmwa tama ruẹn? Ghe rhie emwi rhọkpa lẹre mẹ. Osanobua gha ya obọ ne ọtọn mu ẹẹn a deghẹ u ma ta emwi ne ọ ta ẹe ma mwẹ.”