II Samuẹl 3:39 - Edo Bible (E Baibol Ẹdo) Version 1996

³⁹ A gha rhe miẹn wẹ mẹ ọrọre ọba ne Osanobua hannọ zẹ, egbe wa wọ mwẹ yotọ ẹrẹna. Ẹtin mwẹ isẹ ẹmwẹ ọkpankpan ivbi Zeruaia na. Te Nọyaẹnmwa gha ru avbe izigan na emwi ne ọ ma iran.”

II Samuẹl 3:39 ပူးပေါင်းရင်းမြစ်များ

II Samuẹl 16:10

Ọba keghi khama Abisiai kevbe Joab ne ọtiọnrẹn wẹẹ, “Ọ ma zẹdẹ kan uwa, adeghẹ ọ rhovbiẹ mwẹ rhunmwuda wẹ e Nọyaẹnmwa ọ re ọ wẹ ne ọ rhovbiẹ mwẹ, gha ọ ghi ra rri ọre unu ẹnrẹn?”

II Samuẹl 19:13

E Devid kevbe wẹ ne iran tama Amasa wẹẹ, “Ọtẹn mwẹ ọ re u khin. Ke ẹghẹ na kpao, I ya ru ọkaolotu ivbiyokuo ye ihe e Joab. Te Osanobua gha gbe mwẹ uan, a deghẹ I ma ru vberriọ.”

II Samuẹl 19:22

Sokpan e Devid keghi khama Abisiai kevbe Joab ne ọtiọnrẹn wẹẹ, “Gha ọ wẹ ne u guan yọ yi? Te u ra si ẹti yọ mwẹ urhu ra? Banbanna nian, mẹ ọ re ọba Izrẹl, ovbi Izrẹl ne a gha gbe ua ẹrẹna, ẹ i rrọọ.”

II Samuẹl 3:38

Ọba keghi tama emwa rẹn ni rre asẹ wẹẹ, “Wa ma rẹn wẹ ọkaolotu nọkhua ọ re ọ wu vbe Izrẹl ẹrẹna?

I Ọba 2:32

E Nọyaẹnmwa gha rria e Joab ikhi ye a ghẹ ru ne ọ ru nii vbe ne erha mwẹ ma na rẹn. E Joab gbele arhin eva ni maa sẹẹ ọre vbe ne iran ma na ru khọ, iran na ọ re Abna ne ọkaokuo ọghe ivbi iyokuo Izrẹl kevbe Amasa ne ọkaokuo ọghe ivbi iyokuo e Juda.

I Ọba 2:9

Sokpan ghẹ sẹ ọe rae vbe ne ọ ma na rri oya yọ, u rẹn emwi ne u gha ru, u ghi gia miẹn wẹ a gbe ẹe rua.”

I Krọnikol 22:5

E Devid keghi rorẹe wẹẹ, “Ọgua Osa ne Solomọn ne ovbi mwẹ gha bọ, ọ kere ne ọ gha re ne ọ mose kevbe ne ọ gha titi gba otọ agbọn hia. Sokpan, ọvbokhan ọ re irẹn khin, ọ ma he rẹn emwi rhọkpa, rhunmwuda ọnii, ọ kere ne I mu egbe ẹre ye otọ.” Ọ re Devid na mwamwa emwi ọrhẹnrhẹn ye otọ ọ te wu.

I Krọnikol 29:1

E Devid ne ọba keghi tama emwa ni si koko ye evba wẹẹ, “E Solomọn ne ovbi mwẹ ọrọre ọmwa ne Osanobua zẹe, sokpan, ọvbokhan he ye nọ, ọ ma vbe rẹn emwi rhọkpa. Iwinna ne a ra winna, ọrhẹnrhẹn nọ, rhunmwuda, ọna i re ẹguae ọghe ọmwa kẹkan sokpan Ọgua Osa ọghe Nọyaẹnmwa ne Osanobua.

II Krọnikol 13:7

Vbe iyeke ọnii, ọ keghi si avbe emwa ne agbọn ma gie ẹe rre koko, iran na mu emwi ne iran ho yan e Rehoboam ne ovbi ọvbokhan ne ọ ma rẹn ne a ye, a ma wẹ te ọ gha sẹtin rrọ iran.

Psalm 101:8

Ke ẹdẹ dinna ẹdẹ, mẹ gha fuẹn iran, ighẹ avbe emwa dan ni rre otọe mwa, I gha khulo emwa ọkhọ hia, hin ore nọkhua ọghe Nọyaẹnmwa rre.

Psalm 28:4

Rria iran ikhi ye emwi ne iran ru, kevbe emwi dan ne iran ru, rria iran ikhi ye emwi ne iran ru hia ru iran emwi ne ọ ma iran!

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Psalm 7:16

Rhunmwuda ọnii, iran ọ re ọ ghi rrioya ye ọkhọ ne iran ru. Iran ọ re ọkpankpan iran ghi kuan ẹre egbe.

Psalm 75:10

Ọ gha guọghọ ẹtin emwa dan sokpan a gha rhie ba ẹtin ọghe emwa ẹmwata.

Ẹksọdọs 21:12

“Omwa ne ọ fi ọmwa emwi, ọ na gbe ẹe rua, a ghi vbe gbe ẹe rua.

Itan 20:8

Ọba gha tota gha bu ohiẹn, ọ gha bẹghe emwi dan, te ọ wa rẹn ọnrẹn.

Itan 25:5

Viọ avbe emwa ni bu ọmwa ude dan hin ehe ne ọba ye rre, uyinmwẹ ẹmwata ọ re a ra ya rẹn arriọba ẹre.

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Aizaia 7:4

Kha ma rẹn wẹ ne ọ sikhua, wẹ ne ọ gie ekhọe ẹre sotọ wẹ ne ọ ghẹ hawa, ọ ghẹ gie ohan mu ẹẹn. Ohu ne ọ mu e Rezin ne Ọba kẹe kevbe ivbi e Siria ne emwa rẹn na kevbe Ọba Pẹka ọ ma zẹdẹ zẹ ẹbe sẹẹ ighogho ne ọ ke ivbi erhan eva ni gbe muẹnmuẹn rre.

Jerimaia 38:5

E Zedekaia ne ọba keghi wanniẹn wẹẹ, “Ọ maa khekherriọ, wa ru ẹe vbene uwa ho ne uwa ru ẹe, mẹ I ra da uwa obọ yi.”

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Nọmbas 32:23

Sokpan deghẹ wa na mu eyan uwa sẹ, ne I gie uwa rẹn nian wẹ wa gha rukhọ ghe Nọyaẹnmwa, wa ghi vbe rẹn nian wẹẹ a gha vbe rri uwa oya ye orukhọ uwa.

Ebe ne Pọl gbẹẹn gie emwa Rom 13:4

Rhunmwuda ọguọmwadia Osanobua ne ọ winna ye umamwẹ ruẹn ọre nọ. Sokpan, u gha ru emwi dan, gie afianma rẹn gha fian an, rhunmwuda, ẹtin ne ọ mwẹ ne ọ ya rri ọmwa oya, ẹ i re ọghe abawẹ, ọguọmwadia Osanobua nọ, oya ọre ọ rri iran ni ru emwi dan re ne Osanobua.

II Timoti 4:14

Emwi ne ọ ru mwẹ re ima ighẹ Alẹkzanda ne ogun ẹrọnmwọ. E Nọyaẹnmwa gha vbe ha ẹre osa emwi ne ọ ru.

Giọgis 9:57

Osanobua keghi vbe gie emwa Siẹkẹm rri oya ye ekhọe dan iran zẹ vbene Jotam ne ovbi Gidiọn khare wẹ ọ gha sunu vbe ẹghẹ ne ọ na tie ẹbọ ne iran.