II Samuẹl 3:35 - Edo Bible (E Baibol Ẹdo) Version 1996

³⁵ Emwa nii keghi te gha rherhe e Devid wẹ ne ọ rri evbare vbe ẹdẹ te mu ẹdẹrriọ, sokpan rẹn keghi yan wẹẹ, “Te Osanobua gha kinmwi mwẹ gbua a deghẹ I ya unu kan evbare ẹdẹ te mu ẹrẹna.”

II Samuẹl 3:35 ပူးပေါင်းရင်းမြစ်များ

II Samuẹl 1:12

Iran keghi viẹ, iran na vbe khiẹ, iran ma rri evbare rhinrin ya sẹ ota rhunmwuda e Sọl kevbe Jonatan kevbe ivbi Izrẹl, emwa Nọyaẹnmwa rhunmwuda, iran gbele ni bun vbe uwu iran an vbe okuo.

II Samuẹl 12:17

Avbe ekhaẹmwẹ ọnrẹn ghi bu ẹre ya gha tama rẹn wẹ ne ọ kpao vbe otọ, sokpan, ọ hee, ọ ma vbe rri emwi rhọkpa.

II Samuẹl 3:34

A ma gba ẹre obọ, a ma rro ẹre owẹ ọ wu zẹ vbe ọmwa ne izigan gbe.” Avbe emwa ni keghi dọlegbe kpe orhu eve ua ya viẹ ọe.

II Samuẹl 3:36

Iran ghi miẹn emwi na, ọ keghi wa yẹ iran, vbe ne ẹmwata, emwi hia ne ọba ru keghi wa yẹ emwa nii.

II Samuẹl 3:9

E Nọyaẹnmwa yan ma e Devid wẹ rẹn gha mu arriọba hin obọ e Sọl kevbe uniẹn ọnrẹn hia rre, rẹn ghi ma e Devid ọba Izrẹl kevbe ọghe Juda la ehe ne otọe nii sẹe, ehe ne ọ rhanmwẹ. Banbanna nian, te Osanobua gha kinmwi mwẹ gbe ua, a deghẹ I ma ru ẹe ne ọ gele do sẹ vberriọ!”

I Krọnikol 10:12

iran ni din sẹ vbe uwu iran keghi ya viọ ikun e Sọl kevbe ọghe ivbi ẹre. iran keghi viọ gha rrie Gebẹs. Iran keghi re iran ye ẹzi okan, iran na khiẹ la ikpẹdẹ ihinrọn.

Jerimaia 16:7

A i miẹn ne ọ gha gu ọmwa rri evbare ra ne ọ guee da ne ọ ya fu ẹre ẹko rre vbe ọmwa a wu ẹe. Ne ọ ra mwẹ itohan i rrọọ, ọ gha re te erha wu ọmwa ra iye ọ re ọ wu ẹe.

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Ezikiẹl 24:22

Ẹghẹ nii wa gha ru vbene I ru na. Wa i ra viọ emwi gue aro ra ne uwa rri evbare ne iran ni miẹn akhiẹ re.

Giọgis 20:26

Ivbi Izrẹl hia kevbe gha rrie Bẹtẹl ya khiẹ. Iran keghi tota ye odaro e Nọyaẹnmwa vba, iran ma rri evbare ọ te ya sẹ ota. Iran si sara, iran keghi giẹn emwi ne a ya zọ ese eso ohoho vbe odaro e Nọyaẹnmwa.

Ebe Rut 1:17

Ehe ne u wu yi ọ re I gha vbe wu yi, evba ọ re a ra vbe re mwẹ yi. Te oya ne ọ ghi wegbe sẹ ne Nọyaẹnmwa rri ọmwa re gha hihiẹ yan mwẹ, a deghẹ I gie emwi ọvbehe ya mwẹ kpao sẹ uẹ rae vbe ẹ i re uwu!”

I Samuẹl 3:17

Elai keghi nọ rẹn wẹẹ, “De emwi ne Nọyaẹnmwa tama ruẹn? Ghe rhie emwi rhọkpa lẹre mẹ. Osanobua gha ya obọ ne ọtọn mu ẹẹn a deghẹ u ma ta emwi ne ọ ta ẹe ma mwẹ.”