II Samuẹl 3:34 - Edo Bible (E Baibol Ẹdo) Version 1996

³⁴ A ma gba ẹre obọ, a ma rro ẹre owẹ ọ wu zẹ vbe ọmwa ne izigan gbe.” Avbe emwa ni keghi dọlegbe kpe orhu eve ua ya viẹ ọe.

II Samuẹl 3:34 ပူးပေါင်းရင်းမြစ်များ

II Samuẹl 1:12

Iran keghi viẹ, iran na vbe khiẹ, iran ma rri evbare rhinrin ya sẹ ota rhunmwuda e Sọl kevbe Jonatan kevbe ivbi Izrẹl, emwa Nọyaẹnmwa rhunmwuda, iran gbele ni bun vbe uwu iran an vbe okuo.

II Samuẹl 3:33

Vbenian ọre Devid ya viẹ Abna: “Vbọzẹ yi ne Abna na wu zẹ vbe ọzuọ?

II Samuẹl 3:35

Emwa nii keghi te gha rherhe e Devid wẹ ne ọ rri evbare vbe ẹdẹ te mu ẹdẹrriọ, sokpan rẹn keghi yan wẹẹ, “Te Osanobua gha kinmwi mwẹ gbua a deghẹ I ya unu kan evbare ẹdẹ te mu ẹrẹna.”

Job 24:14

Ẹdẹ gha da gbe, izigha ghi kpaegbe, ọ ghi ladian ya gbe ovbiogue ua, asọn gha rre, ọ ghi gha rha.

Ezikiẹl 32:16

Eyan ne a yan ma rẹn na gha khian ihuan orinmwi. Avbe ikhuo uhunmwu ẹvbo hia gha so ẹe ya khiẹ Igipt kevbe avbe emwa rẹn. Mẹ ne Nọyaẹnmwa ne Oghodua tae nẹ.”

Hozia 6:9

Avbe ohẹn ni rrọ yevbe otu ikpata ni ya gha gba khẹ ọmwa vbe odẹ. Uhin ighẹ te iran ye do izigha vbe odẹ ne a la yo e Siẹkẹm ne ehe nọhuanrẹn. Avbe emwi dan ne iran ru na hia, te iran wa yan ru ẹe.

Giọgis 16:21

Ivbi e Filistia, keghi mu ẹẹn, iran na wọlọ ẹre aro hẹ kua. Iran na mu ẹẹn gha rrie Gaza, iran na ye ọgiọrọ oze rro ẹre. Iran na mu iwinna emwi ne a ya olọ lọ nẹ vbe uwu eghan.