II Samuẹl 3:3 - Edo Bible (E Baibol Ẹdo) Version 1996

³ Ne ogieva kegha re Kiliab, ne a tie iye ẹe Abigẹl ne ọ de ẹgbẹe vbe obọ Nabal ne ovbi Kamẹl; ne ogieha kegha re Absalọm, ne a tie iye ẹe Maaka, ovbi e Talmai ne ọba Gẹsiọ;

II Samuẹl 3:3 ပူးပေါင်းရင်းမြစ်များ

II Samuẹl 13:1

Absalọm ne ovbi e Devid kegha mwẹ ovbiye okhuo ọkpa ne ọ mose ẹsẹse, a kegha tie ẹre Tama. Ọkpa ne a tie eni ẹnrẹn Amnọn vbe ivbi e Devid keghi gha ho ẹmwẹ ọnrẹn.

II Samuẹl 14:23

Ẹre irẹn na ghi kpaegbe, ọ na gha rrie Gẹsiọ, ọ na ya rhie Absalọm dọlegbe gha die Jerusalẹm.

II Samuẹl 14:24

Sokpan, ọba keghi kha wẹ ne Absalọm ghẹ yo uwu ẹguae, ọ na kha wẹẹ, “I i ho ne I bẹghe ẹre.” Rhunmwuda ọnii, Absalọm kegha rre owa obọ ẹre, ọ ma vbe ya egbe ne ọba miẹn.

II Samuẹl 14:32

Absalọm keghi wanniẹn wẹẹ, “I gie ne a tie ruẹ wẹ ne u gha de ne I giọ ne u ya tuẹ yi mwẹ vbe ọghe ọba. Vbe i a ghi kpao vbe Gẹsiọ gha die edinran baa. I ma rẹn ne I wa tota vbe odọọ.” Absalọm keghi rhie te ẹe wẹẹ, “I ho ne u mwamwa ẹẹn ne I miẹn ọba aro. A deghẹ I rri abe wẹ ne ọ gbe mwẹ uan.”

II Samuẹl 15:7

Ukpo enẹ ghi gberra nẹ, Absalọm keghi tama e Devid ne ọba wẹẹ, “Evbavba, gun mwẹ gha rrie Hibrọn ne I ya ha eyan ne I ru ma e Nọyaẹnmwa ẹghẹ ne I na rre Gẹsiọ.

II Samuẹl 15:8

Ẹghẹ ne I na gha rre Gẹsiọ vbe Aram, I yan ma e Nọyaẹnmwa wẹ, ọ gha rhie mwẹ dọlegbe sẹ Jerusalẹm, I gha do ga ẹe vbe Hibrọn.”

II Samuẹl 18:33

Akhiẹ keghi gba ọba ẹko ọ keghi la ughugha ne ọ rre iyeke onurho, ọ na viẹ. Vbene ọ khian nii, ọ kegha viẹ wẹẹ, “Ovbi mwẹ o, ovbi mwẹ, Absalọm, Absalọm ne ovbi mwẹ, mẹ ọ re uwu ne ọ gbuẹ gha te gbe, ovbi mwẹ, Absalọm ne ovbi mwẹ!”

II Samuẹl 2:2

Ẹre Devid na viọ amwẹ ọnrẹn eva, Ahinoam ne ovbi e Jezrẹl, kevbe Abigẹl, ne ọ de ẹgbẹe vbe obọ Nabal ne ovbi Kamẹl, ba egbe, ọ na gha die Hibrọn.

I Ọba 2:15

Rẹn keghi wanniẹn wẹẹ, “U rẹnrẹn wẹ mẹ ọ re ọba te sẹ ọre egbe, emwa hia ni rre Izrẹl te rhie aro yọ wẹ mẹ ọ re ọ ra rriọba. Sokpan, ọ ma ghi de vberriọ, ọtẹn mwẹ ọ re ọ ghi rriọba rhunmwuda, iho e Nọyaẹnmwa nọ vberriọ.

I Krọnikol 3:1

Emọ ne Devid biẹlẹ vbe Hibrọn ena khin zẹ vbe ne ọ ya biẹlẹ iran lele egbe. Amnọn ne iye ẹe ighẹ Ahinoam ke Jezrẹl rre. E Daniẹl ne iye ẹe ighẹ Abigẹl ke Kamẹl rre. Absalọm ne iye ẹe re Maaka ne ovbi Talmai ne ọba e Gẹsiọ. Adonaija ne iye ẹe re Hagit. Siefatia ne iye ẹe re Abital. Itram ne iye ẹe re Egla.

Diuteronomi 3:14

E Jea ne ovbi ẹwae Manasẹ keghi mu iwewe Agọb hia, ọnii nọ wẹ e Basian rhinrin ya sẹ uwu ọghe Gẹsiọ kevbe Maaka, ọ keghi he avbe igue ni rrọọ hia eni gi egbe irẹn, igue Jea ọ re a ye tie iran do sẹ ẹdẹnẹrẹ na.)

Jọsua 13:13

Sokpan, ivbi Izrẹl ma khulo emwa Gẹsiọ kevbe Makati ladian. Te iran na ye rre Izrẹl.

I Samuẹl 25:42

Ọ keghi zẹgiẹgiẹ kpaegbe, ọ na hin ekẹtẹkẹtẹ ọre. Eguọmwadia ẹre ne ikhuo isẹn keghi lele ẹe, ọ kevbe lele eguọmwadia e Devid gha khian, ọ na ya gha re amwẹ ọnrẹn.

I Samuẹl 27:8

E Devid kevbe emwa rẹn ghi mu igbinna gie emwa Gẹsiọ, Gizi kevbe Amalẹk ni ka rre otọe nii de yi ke nẹkpo i mwẹẹ arria gha dee. Ọ ghi fu emwi ni rre otọ iran ya sẹ Siọ kevbe rhinrin ya sẹ Igipt,