II Samuẹl 3:29 - Edo Bible (E Baibol Ẹdo) Version 1996

²⁹ Uhunmwu ọ re Joab kevbe ẹgbẹe ọre gha ya khiọ re. Ke orre ya sẹ orre, te a gha miẹn vbe uwu ẹgbẹe ọre ne ọ khuọnmwi atọrhi ra emwirregbekẹn, ra ne a miẹn wẹ iwinna okhuo ọkpa ọ re ọ sẹtin winna, ra ne a gbe ua vbe okuo, ra ne ẹ i miẹn evbare unu re!”

II Samuẹl 3:29 ပူးပေါင်းရင်းမြစ်များ

II Samuẹl 1:16

E Devid keghi tama ovbi Amalẹk nii wẹẹ, “Obọ ruẹ ọ re u ya si emwi ne ọ rruan ruẹn, ẹghẹ ne u na ya unu ruẹn miẹnkue ighẹ u gbe ọba ne Nọyaẹnmwa tobọ ẹre zẹ ne ọ gha re ọba rua, ọ re u na bu ohiẹn uwu gbe egbe uẹ.”

II Samuẹl 16:8

U mu arriọba e Sọl, te Nọyaẹnmwa ghi rria ruẹ ikhi na ba ẹmwẹ emwa ẹgbẹe e Sọl ne u gbele ua. Banbanna nian, e Nọyaẹnmwa vbe mu arriọba nii ne Absalọm ne ovbi uẹ nẹ, ọwuẹ fo nẹ vbe agbọn, wẹ ne izigha!”

II Samuẹl 3:28

E Devid ghi họn ẹmwẹ na, ọ keghi kha wẹẹ, “E Nọyaẹnmwa rẹnrẹn wẹ imẹ kevbe emwa mwẹ, ma ma rẹn ọkpa, a ma rẹn eva vbe ugbemwẹ ne iran gbe Abna re.

II Ọba 5:1

E Naaman ne ọkaokuo e Siria kegha re ọmwa ne ọba e Siria daa na kevbe ne ọ vbe ye ọghọ na, rhunmwuda, akhọnmiotọ ni bun ọ re Nọyaẹnmwa he la obọ e Naaman rhie ne Siria. Ovbiyokuo nọkhua wa nọ, sokpan ọ kegha khuọnmwi alalọ.

II Ọba 5:27

Banbanna nian, emianmwẹ e Naaman gha hihiẹ yan ruẹn, ọ ghi gha rre uwẹ kevbe avbe ivbi uniẹn ruẹn egbe ẹdẹdẹmwẹdẹ.” E Gehazi ghi kpao, emianmwẹ nii kegha rre ọre egbe, ikpakpa egbe ẹre ke gha fua zẹ vbe isonorhọ.

Psalm 7:17

I kpọnmwẹ e Nọyaẹnmwa ye ohiẹn ẹmwata ne ọ bu. I so ihuan urhomwẹ ghe Nọyaẹnmwa, ne ọ re Ne ọ yo sẹẹ Ehia.

Ẹksọdọs 21:19

a na miẹn wẹ ọ ye sẹtin do gha khian, a gha rhe miẹn wẹ ọkpọ ọre ọ ghi ya tua otọ, ọmwa ne ọ fi ẹre emwi nii ghi ha osa ẹghẹ ne ọ miẹn ẹre re, ọ ghi gha gbe aro ghe ẹre egbe te do rran rẹn.

Levitikọs 15:2

ne ivbi Izrẹl. Deghẹ ekia ọmwa na gha gin amẹ, amẹ ne ọ gin nii, awua nọ,

Nọmbas 35:33

Wa gha ru ẹe vberriọ, wa gha mu awua ye otọ ne uwa ye. Te izigha si awua rrie ẹvbo, odẹ ne a la họnmwẹ otọ ne a na de izigha ne awua lahin rre irrọọ gberra ne a gbe izigha ni uan.”

Iwinna 28:4

Emwa ẹvbo ni ghi miẹn vbe ẹyẹn nii sikan mu Pọl obọ, iran na gha kha wẹẹ, “Ọ gha kẹe izigha oko na wa khin, egbe ne ọ ya miẹn uhunmwu rhie ladian vbe ẹzẹ na. Ẹrinmwi ma ye faẹn.”

Diuteronomi 21:6

Avbe ekaolotu nii hia ni ke ẹvbo ni sikẹ ehe ne a na miẹn ikun ọmwa ne ọ wu nii ghi kpe obọ iran yan ẹmila nii.

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Giọgis 9:24

Emwi ne ọ ya ọ na sunu ọrọre ne Abimẹlẹk kevbe ivbi e Siẹkẹm ni rhie igiẹdu ne ẹẹn ne ọ ya gbele ivbi Gidiọn ekigbesiyenẹ uan miẹn ehe na rri oya ye orukhọ iran.