II Samuẹl 3:27 - Edo Bible (E Baibol Ẹdo) Version 1996

²⁷ Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

II Samuẹl 3:27 ပူးပေါင်းရင်းမြစ်များ

II Samuẹl 13:26

Sokpan, Absalọm keghi kha wẹẹ, “A deghẹ erriọ nọ khekherriọ, u gha vbe gie Amnọn ne ọtẹn mwẹ gha khian ra.” Ọba keghi wanniẹn wẹẹ, “Vbọzẹ ne ọ gha na yo yi.”

II Samuẹl 19:13

E Devid kevbe wẹ ne iran tama Amasa wẹẹ, “Ọtẹn mwẹ ọ re u khin. Ke ẹghẹ na kpao, I ya ru ọkaolotu ivbiyokuo ye ihe e Joab. Te Osanobua gha gbe mwẹ uan, a deghẹ I ma ru vberriọ.”

II Samuẹl 3:26

E Joab ghi kpao vbe ehe ne Devid ye rre nẹ, ọ keghi gie ne iran ya rhie Abna rre, iran ya tie ẹre ke uhae Sira gha dee. Sokpan, e Devid ma rẹn hiehiere.

II Samuẹl 3:28

E Devid ghi họn ẹmwẹ na, ọ keghi kha wẹẹ, “E Nọyaẹnmwa rẹnrẹn wẹ imẹ kevbe emwa mwẹ, ma ma rẹn ọkpa, a ma rẹn eva vbe ugbemwẹ ne iran gbe Abna re.

II Samuẹl 4:1

Ugbẹn vbe Isbosiẹt ne ovbi e Sọl ghi họn ighẹ iran gbe Abna rua vbe Hibrọn. Ohan keghi mu ẹẹn, afianma kegha vbe fian ivbi Izrẹl hia.

I Ọba 2:32

E Nọyaẹnmwa gha rria e Joab ikhi ye a ghẹ ru ne ọ ru nii vbe ne erha mwẹ ma na rẹn. E Joab gbele arhin eva ni maa sẹẹ ọre vbe ne iran ma na ru khọ, iran na ọ re Abna ne ọkaokuo ọghe ivbi iyokuo Izrẹl kevbe Amasa ne ọkaokuo ọghe ivbi iyokuo e Juda.

I Ọba 2:5

“Emwi ọvbehe ye vbe rrọọ. U yerre emwi ne Joab ru mwẹ re ne ọ na gbele avbe ọkaokuo Izrẹl eva, Abna ne ovbi e Niẹ kevbe Amasa ne ovbi e Jeta. U yerre wẹ ẹ i re te a khọn okuo vbe ọ gbele iran an ba ẹmwẹ emwa ne iran gbele vbe ẹghẹ okuo. U miẹn nian, ọ gbele emwa ni ma ru khọ nẹ, a keghi ka ẹe ye ime urhu, mẹ ọ ghi ye uhunmwu tọn emwi ne ọ ke ẹre ikian mu.

Itan 26:26

Ọ sẹtin rhuan gue izohu ẹre sokpan agbọn hia miẹn emwi dan ne ọ ru.

Jerimaia 41:2

Ismaẹl kevbe arhingbe ni gu ẹe rre evba nii keghi yuolo umozo iran ladian, iran na gbe Gedalaia a.

Nọmbas 35:19

Ọtẹn ọmwa ne ọ wu nii, ne ọ ghi sikẹ ọre sẹ ọ re ọ bi ye ọre egbe ne ọ gbe ọmwa ne ọ de izigha nii uan. Ọ gha miẹn ọẹn, ọ ghi gbẹe.

Nọmbas 35:20

“A deghẹ ohu ọmwa mu ọmwa, ọ na gbe ẹe rua, ọ re te ọ sua ẹre gbotọ nọ ra te ọ fi emwi gbe ẹe.

Diuteronomi 27:24

“ ‘Ihẹn Osanobua rre uhunmwu ọmwa ne ọ do gbe ọmwa ọvbehe ua.’ “Emwa ni hia ghi kha wẹẹ, ‘Isẹ!’