II Samuẹl 3:25 - Edo Bible (E Baibol Ẹdo) Version 1996

²⁵ Te ọ rre do rẹrọọ, ne ọ do rẹn ehe ne u yo hia, kevbe emwi ne u ru hia. Wẹ tobọọ rẹn ọnii!

II Samuẹl 3:25 ပူးပေါင်းရင်းမြစ်များ

Gẹnẹsis 42:12

E Josẹf ke tama iran wẹẹ, “Hiehiere! Te uwa do baba ima ghe ne uwa miẹn na rẹn ehe ne ọ gha rọkhọ ne uwa na dekun ẹvbo mwa.”

Gẹnẹsis 42:16

Wa gie ọkpa vbe uwu uwa ya rhie ẹre rre. A gha viọ uwa ni dekẹe ne emwa viọ mwẹ rhinrin a tedo rẹn ẹmwata ne ọ rre ẹmwẹ ne uwa tae. A deghẹ ẹ i re erriọ, omwa vbene Fero na ye rrọ, ọrhẹ wa Khin.”

Gẹnẹsis 42:9

Ọ keghi ye imina ne irẹn minaẹn vbe ekpa iran rre, ọ na kha wẹẹ, “Ọrhẹ wa khin, te uwa do ghe ehe ne ọ gha rọkhọ ne uwa na dekun ẹvbo mwa.”

II Samuẹl 10:3

Avbe ọkaolotu ivbi Amọn keghi tama ọba iran wẹẹ, “Te uwẹ ro ighẹ te Devid gie emwa na uhunmwu ọdamwẹ guẹ ne ọ gele ya rhie ọghọ ne erhaa? Hiehiere, te ọ gie iran rre zẹ vbe ọrhẹ, ne iran do ba otọe na ghe, ne iran miẹn ehe na sẹtin khọn ima muotọ.”

II Samuẹl 3:24

E Joab keghi rhunmwuda ọnii bu ọba gha khian, ọ tama rẹn wẹẹ, “De emwi ne u ru na yi? Abna bu ruẹ gha dee, vbe u a na gie ẹe gha rrie hẹ vberriọ?”

II Samuẹl 3:26

E Joab ghi kpao vbe ehe ne Devid ye rre nẹ, ọ keghi gie ne iran ya rhie Abna rre, iran ya tie ẹre ke uhae Sira gha dee. Sokpan, e Devid ma rẹn hiehiere.

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

II Ọba 18:32

ọ te do sẹ ẹghẹ ne Ọgbaisi gha na viọ uwa ne uwa ya yin ẹvbo ọvbehe ne ọ vbe yevbe ọghe uwa, ehe ne uwa gha na miẹn gha re wa ghi vbe miẹn gha da, otọe emwiokọ esiesi kevbe ọghe owọn ọre otọe nii khin. Deghẹ wa ru vbene ọ khare, wa ira wulo, wa gha miẹn uhunmwu. Wa ghẹ gie Hẹzekaia do uwa ọzuọ ne ọ tama uwa wẹ e Nọyaẹnmwa gha miẹn uwa fan.

Psalm 121:8

ọ gha degue ruẹ vbe uwẹ a gha dee kevbe u a gha khian, banbanna kevbe ẹdẹdẹmwẹdẹ.

Aizaia 37:28

“Sokpan, te I wa gba ruẹ fo fẹẹrẹ, emwi ne u ru kevbe ehe ne u yo, I rẹn vbene u gha vannọ kuọ mwẹ hẹ.

Nọmbas 27:17

Ne ọ gha vbe sẹtin gha su iran ye igbinna ne emwa ruẹn ghẹ do ye vbe ohuan ne ẹ i mwẹ ọsuohuan.”

Iyẹn ne ọ Maan Ọghe Jọn 7:12

Ẹbu ni hia kegha talọ ivbi ọta vbe ekpa ẹre. Emwa eso wẹ, “Ọmwa esi nọ,” eso kevbe wẹẹ, “Ohoghe nọ, te ọ hiẹ agbọn mu ru.”

Iyẹn ne ọ Maan Ọghe Jọn 7:47

Avbe Farisi keghi nọ iran wẹẹ, “Te ọ ghi vbe hiẹ uwa mu ru nẹ ra?

Ebe ne Pọl gbẹẹn gie emwa Rom 2:1

Ọse mwẹ, te uwẹ bu ohiẹn ọmwa ọvbehe ra? U i miẹn ẹmwẹ ọkpa ta ya fan egbe ruẹ ye otọ, ọmwa ne ọ rhirhi khọn ruẹn ne u gha khin. Rhunmwuda wẹ gha bu ohiẹn emwa ọvbehe, wẹ na vbe gha ru egbe emwi ne iran ru, ẹghẹ ni, u bu ohiẹn gbe egbe uẹ nẹ.

Diuteronomi 28:6

“E Nọyaẹnmwa gha fiangbe emwi ne uwa ru hia.