II Samuẹl 3:21 - Edo Bible (E Baibol Ẹdo) Version 1996

²¹ Abna keghi tama e Devid wẹẹ, “I ra ya fi emwa Izrẹl hia ekhọe werriẹ ne iran do gha re ọwuẹ nian Umogun. Iran gha rhan obọ miẹn ruẹn zẹ vbe ọba iran. Ẹghẹ nii emwi ne u ho ghi do sẹ uẹ obọ, u ghi do rriọba yan otọe nii hia.” E Devid keghi yan ma Abna wẹ, emwi rhọkpa i ra ru ẹe, ọ na zẹ ọre urrie.

II Samuẹl 3:21 ပူးပေါင်းရင်းမြစ်များ

II Samuẹl 2:9

Ọ keghi ma ẹre ọba ọghe otọ Giliad, Asia, Jezrẹl, Ifreim kevbe Bẹnjamin, ne a wa kha wẹ, ọghe otọ Izrẹl hia.

II Samuẹl 3:12

Vbe ẹghẹ ne a kha na, e Devid kegha rre Hibrọn, ọ re Abna na gie emwa ya khama rẹn wẹẹ, “De ọmwa ne ọ ra rriọba yan otọe na yi? Gun mwẹ hẹnhẹn unu ẹnrẹn, I gha ru iyobọ ne uẹn ne I viọ Izrẹl hia ne iran do khian ọwuẹ.”

II Samuẹl 3:20

Abna keghi viọ arhin ugie ba egbe bu e Devid gha die Hibrọn. E Devid keghi le evbare ya mu ọghọ ye iran egbe.

II Samuẹl 5:3

Rhunmwuda ọnii, avbe ọkaolotu ivbi Izrẹl hia keghi hu e Devid ne ọba gha die Hibrọn. Ọ keghi ye egbe ye ulamwẹ ba iran, iran keghi ma ẹre ọba ọghe Izrẹl.

I Ọba 11:37

I gha ma uwẹ ne Jeroboam ọba Izrẹl, u ghi vbe gha khaemwisẹ yan otọe hia ne ọ yẹ ruẹ.

Psalm 20:4

Te ọ gha viọ emwi ne u ho hia nuẹn, ne ọ vbe gie emwamwa ruẹn hia dinnodẹ.

Filipai 2:21

Emwa nekpa hia, ẹmwẹ ne egbe iran ọre iran rhie aro daa, ẹ i zẹdẹ re ẹmwẹ iwinna Jesu Kristi.