II Samuẹl 3:20 - Edo Bible (E Baibol Ẹdo) Version 1996

²⁰ Abna keghi viọ arhin ugie ba egbe bu e Devid gha die Hibrọn. E Devid keghi le evbare ya mu ọghọ ye iran egbe.

II Samuẹl 3:20 ပူးပေါင်းရင်းမြစ်များ

Gẹnẹsis 26:30

Aizik keghi le evbare ne iran, iran na re, iran na da.

Gẹnẹsis 31:54

Ọ keghi gbe aranmwẹ ne ọ ya zọ ese vbe uhunmwu oke. Ọ keghi tie emwa irẹn ne iran do rri evbare. Ugbẹn vbe iran ghi re nẹ, iran keghi gbe asọn nii vbe uhunmwu oke nii.

II Samuẹl 3:19

Abna keghi vbe gu emwa ẹwae Bẹnjamin guan, ọ kevbe gha rrie Hibrọn ya tama e Devid emwi ne emwa Bẹnjamin kevbe ivbi Izrẹl khare ighẹ, iran ra ru.

II Samuẹl 3:21

Abna keghi tama e Devid wẹẹ, “I ra ya fi emwa Izrẹl hia ekhọe werriẹ ne iran do gha re ọwuẹ nian Umogun. Iran gha rhan obọ miẹn ruẹn zẹ vbe ọba iran. Ẹghẹ nii emwi ne u ho ghi do sẹ uẹ obọ, u ghi do rriọba yan otọe nii hia.” E Devid keghi yan ma Abna wẹ, emwi rhọkpa i ra ru ẹe, ọ na zẹ ọre urrie.

Ẹsta 1:3

Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.

I Samuẹl 25:36

Abigẹl keghi bu e Nabal gha khian vbe ọ wa rre eghọ, egbe ne ọ kei ne ọba. Ayọn gbe ẹe, ọ keghi wa vbe hẹ yo hẹ rre, rhunmwuda ọnii, Abigẹl ma vbe ta ẹmwẹ ọkpa ma rẹn ẹdẹ te dọ gbe.