II Samuẹl 3:14 - Edo Bible (E Baibol Ẹdo) Version 1996

¹⁴ Ọ re Devid na gie ne a tama Isbosiẹt wẹẹ, “Rhie Mikal ne ọvbokhan mwẹ gun mwẹ, ukpikolo e Filistin iyisẹn (100) ọ re I hae yọ ya rhie ẹre rọnmwẹ.”

II Samuẹl 3:14 ပူးပေါင်းရင်းမြစ်များ

II Samuẹl 2:10

Ukpo iyeva ọre Isbosiẹt gha ye vbe a ma ẹre ọba Izrẹl, ọ keghi ya ukpo eva vbe ọba. Sokpan otọe Juda kegha ga gie Devid.

II Samuẹl 3:15

Ọ re Isbosiẹt na ya miẹn Paltiẹl ne ovbi e Lais ne ọdafẹn ọnrẹn re.

II Samuẹl 6:16

A ghi wa mu Ẹkpẹti ni sẹ ore ẹvbo, e Mikal ne ovbi e Sọl ne okhuo keghi yọn urhu la ewindo ladian, ọ keghi ya bẹghe Devid ne ọba vbe ọ kuu, ọ gha fi obodo, ọ keghi wa sọnnọ ẹẹn ruan vbe aro.

Matiu 1:18

Vbene a ya biẹ Jesu hẹ ọre ọna khin. Josẹf ọre a ya Meri ne iye Jesu na. Sokpan vba te rhie ẹre rrie, a keghi miẹn wẹ ọ hanmwa vbekpa ẹtin Orhiọn Ne Ọ Huanrẹn.

I Samuẹl 18:25

E Sọl keghi tama iran wẹ ne iran ya tama Devid wẹẹ, “Emwi ne ọba ho vbe obọ ruẹ ma gberra ukpikolo ọghe ivbi e Filistin iyisẹn ni wulo nẹ, ne ọ ya ọnii rria avbe eghian rẹn ikhi.” (Erriọ ọre Sọl te mwamwaẹn we obọ ivbi e Filistin gha ya vba e Devid).

I Samuẹl 18:27

E Devid kevbe emwa rẹn keghi ya gbele ivbi e Filistin uri. Ọ keghi viọ ukpikolo iran, ọ na ya ka ẹe ye otọ vbe odaro ọba ne ọ miẹn ehe na gha re orruan rẹn. Ẹre Sọl na rhie Mikal ne ovbi ẹre ne Devid rhie rọnmwẹ.

I Samuẹl 25:44

Vbe ẹghẹ ne a kha na, e Sọl rhie Mikal ne ovbi ẹre ne ọ te re amwẹ Devid ne Palti ne ovbi e Lais nẹ, ovbi ẹvbo ne a tie ẹre Galim nọ.