II Samuẹl 3:13 - Edo Bible (E Baibol Ẹdo) Version 1996

¹³ E Devid keghi wanniẹn wẹẹ. “Ọ wa maa!” Emwi ọkpa rrọọ ne u gha ru ne I guẹ hẹnhẹn unu ẹnrẹn kugbe, ọ ni nọ wẹẹ, “U gha dee do miẹn mwẹ, u ghi rhie Mikal ne ovbi e Sọl ne okhuo gun mwẹ.”

II Samuẹl 3:13 ပူးပေါင်းရင်းမြစ်များ

Gẹnẹsis 43:3

E Juda keghi wanniẹn tama rẹn wẹẹ, “Te okpia nii wa yan tae ma ima wẹ ne ima ghe ye aro kan irẹn aro, a deghẹ ma ma rhie ọtẹn ima rre.

Gẹnẹsis 44:23

Ẹghẹ ni u ghi na khama ima enọwanrẹn wẹẹ, ‘A deghẹ wa ma rhie ọtẹn uwa nekherhe rre, a i ra kue ne uwa miẹn mwẹ aro.’

Gẹnẹsis 44:26

Ma keghi wanniẹn wẹẹ, ‘Ma i sẹtin yo; a i ra gie ima miẹn okpia nii vbe ẹ i re te ọtẹn ima nekherhe rre evba ba ima, ọtẹn ima nekherhe gha lele ima ọkpa ẹre ima gha na yo.’

II Samuẹl 3:12

Vbe ẹghẹ ne a kha na, e Devid kegha rre Hibrọn, ọ re Abna na gie emwa ya khama rẹn wẹẹ, “De ọmwa ne ọ ra rriọba yan otọe na yi? Gun mwẹ hẹnhẹn unu ẹnrẹn, I gha ru iyobọ ne uẹn ne I viọ Izrẹl hia ne iran do khian ọwuẹ.”

I Krọnikol 15:29

Vbene a wa mu Ẹkpẹti nii la adesẹ ore ẹvbo, e Mikal ne ovbi e Sọl keghi rhie aro la ewindo ghe ẹre, ọ keghi ya dẹghe Devid ne ọba, ọ gha kuu, ọ gha vbọ yo vbọ rre ne oghọghọ, ẹmwẹ ọnrẹn keghi sọnnọ ẹn ruan.