II Samuẹl 24:7 - Edo Bible (E Baibol Ẹdo) Version 1996

⁷ Iran keghi vbe la ghe odẹ ekẹn ya sẹ e Taia ne ẹvbo ne a gbe odin gaa, iran keghi ya la ẹvbo avbe Hivi kevbe Kenan, vbe okiekie ehia, iran na ya sẹ biẹsiẹba vbe odẹ ekẹn Juda.

II Samuẹl 24:7 ပူးပေါင်းရင်းမြစ်များ

II Samuẹl 24:2

Ẹre Devid na tama e Joab ne ọkaokuo ẹre wẹẹ, “Viọ emwa iwinna ruẹn mwẹ obọ, ne uwa la ẹwae Izrẹl hia khinkhian ne uwa ka emwa hia. I ho ne I rẹn inu ne iran khin.”

II Samuẹl 24:8

Iran gbe uki ihinrin kevbe ikpẹdẹ ugie nẹ, iran keghi dọlegbe gha die Jerusalẹm vbe iran ghi la ẹvbo ni hia khinkhian nẹ.

Zẹkaraia 9:3

E Taia gba odin ga egbe nẹ, ọ keghi vbe silo esiliva kevbe igoru ni bun sẹrriọ gboo ne egbe ẹre wẹ ehia keghi de vba ya ẹe ru a.

Jọsua 11:3

Rẹn keghi vbe gie uhunmwu gie ivbi e Kenan ni rre obọ eveva ọghe Jọdan, gie Amọri, Hiti, Pẹriz, Jebus vbe ẹvbo uhunmwu oke kevbe emwa Hivi ni rre ototọ Oke Hẹmọn vbe otọ Mispa.

Jọsua 19:28

Ebrọn, Rehọb, Hamọn, kevbe Kana rhinrin ya sẹ Saidọn.

Jọsua 19:29

Uwu keghi laghe odẹ Rama, ọ keghi ya sẹ Taia ne ẹvbo ne a gbe ekẹn gaa, ọ na ghi laghe odẹ Hosa, ọ na ya fo ye Okun Meditẹrrenian. Usun avbe ẹvbo ni rrọọ kegha re: Mabalab, Akzib.

Jọsua 9:1

Avbe ọba hia ni rre orrie Jọdan keghi họn ẹmwẹ na, iran ni rre oke, iran ni rre otọ ne ọ rriẹe kevbe iran hia ni yin lele ọkpẹn Okun Meditẹrrenian, rhinrin ya sẹ Lebanọn, iran na keghi re avbe ọba ivbi e Hiti, Amọri, e Kenan, e Pẹriz, e Hivi kevbe Jebus.

Jọsua 9:7

Sokpan ivbi Izrẹl keghi tama ivbi e Hivi wẹẹ, “Vbe ima a ghi guwa vẹn ihẹn ne egbe hẹ, ọ gha kẹe, ehe ne uwa ye ma khian rrei vbe emwana.”

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.