II Samuẹl 24:22 - Edo Bible (E Baibol Ẹdo) Version 1996

²² Arauna keghi kha wẹẹ, “U gha tọ u kpẹre Umogun, mu gha khian ne u yae zọ ese ne ọ khọn ruẹn ne Nọyaẹnmwa, ghe avbe ẹmila ne a gha giẹn ya zọ ese, ghe urọnghọn ẹmila kevbe uhanhan iguọghọka iran, ne a ya hie erhẹn.”

II Samuẹl 24:22 ပူးပေါင်းရင်းမြစ်များ

I Ọba 19:21

Elaisia kegha rrie ehe ne oghẹn ẹmila ẹre ye, ọ keghi gbele ẹe, ọ na lẹe, ọ keghi ya urọnghọn ne ọ rrọ hie erhẹn ọ na viọ emiowo ni ne emwa, iran na rriọe. Ọ keghi kpao, ọ na ya gha lele Elaija khian zẹ vbe ọkpọmwa.

I Krọnikol 21:22

E Devid keghi tama rẹn wẹẹ, “Khiẹn otọ ọguọghọ ọka ruẹ mẹ ne I gba aka yọ ne Nọyaẹnmwa ne ọ miẹn ehe na dobọ egboghogbogho na yi, I gha ha osa ẹre nuẹn fẹẹrẹ.”

Giọgis 6:26

U ghi bọ aka esiesi yan ehe ne a guọghọ ena yi ne Nọyaẹnmwa Osanobua ruẹ. U ghi mu ẹkhuia ne ogieva nii, u ghi giẹn ọnrẹn uan zẹ vbe emwi izọ ese ke ẹe kevbe ọkpọ ne a giagia kua nii.”

I Samuẹl 6:14

Okotọ nii kegha die ugbo ọghe Jọsua ne ọ rre Bẹt Siemẹs, ọ na mudia vba vbe ọkpẹn okuta nọkhua ọkpa. Emwa nii keghi sọ erhan ọghe okotọ nii, iran na gbele avbe ẹmila nii, iran keghi giẹn ọnrẹn ruan zẹ vbe emwi izọ ese ghe e Nọyaẹnmwa.