II Samuẹl 24:2 - Edo Bible (E Baibol Ẹdo) Version 1996

² Ẹre Devid na tama e Joab ne ọkaokuo ẹre wẹẹ, “Viọ emwa iwinna ruẹn mwẹ obọ, ne uwa la ẹwae Izrẹl hia khinkhian ne uwa ka emwa hia. I ho ne I rẹn inu ne iran khin.”

II Samuẹl 24:2 ပူးပေါင်းရင်းမြစ်များ

Gẹnẹsis 21:14

Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian.

II Samuẹl 17:11

Iro ne imẹ zẹe ọrọre wẹ ne u si ivbi Izrẹl hia koko, ke ehe ne ẹvbo sẹe vbe obọ na, ya sẹ obọ nọkpa, iran ni ye vbe ekhae ni rre ọkpẹn okun vbe ubunmwẹ, wẹ ghi tobọ viọ iran gha rrie okuo.

II Samuẹl 2:13

E Joab ne ovbi Zeruaia kevbe emwa ni rre asẹ vbe ototọ e Devid keghi gha khian ya vba iran vbe uhẹnhẹn amẹ ne ọ rre evba, otu ọkpa vbe obọ na ọghe nene amẹ kevbe otu nọkpa vbe obọ nọkpa ọghe nene amẹ.

II Samuẹl 20:23

E Joab keghi re ọkaokuo ivbiyokuo Izrẹl, e Benaia ne ovbi e Jehoaida kegha gbearoghe ivbi ọkpọmwa e Devid.

II Samuẹl 24:15

Ẹre Nọyaẹnmwa na fi egboghogbogho fi Izrẹl ke owiẹ ya sẹ ẹghẹ ne ọ rhie yọ, ke obọkpa vbe ẹvbo nii ya sẹ obọ nọkpa, ivbi Izrẹl ni wulo kegha re arriaisẹn ekigbe siyenẹ (70,000).

II Samuẹl 8:16

E Joab ne ovbi e Zeruaia kegha re ọkaolotu ivbiyokuo; e Jehosiafat ne ovbi Ahilud, kegha re ọka isiẹnmwẹro.

I Krọnikol 21:2

E Devid keghi tama e Joab kevbe avbe ọkaokuo nekpa wẹẹ, “Wa la otọe Izrẹl sẹ ehe ne ọ sẹe ehe ne ọ rhanmwẹ ne uwa ka emwa ni rrọọ. I ho ne I rẹn inu emwa ni rrọọ.”

II Krọnikol 32:31

Uhin ẹghẹ ne emwa ne a gie ke Babilọn rre na do nọ ọta vbe ekpa ogiemwi eso ne ọ sunu vbe otọe ni, Osanobua keghi gie Hẹzekaia khian vbene ọ khọn rẹn, ne ọ miẹn ehe na ghe vbene uyinmwẹ ọnrẹn ye hẹ.

Itan 29:23

Te itengbemu mu ọmwa gbe otọ, sokpan, u gha re ọmwa ne ọ mu egbe rriotọ, a ghi gha yọghọ nuẹn.

Jerimaia 17:5

E Nọyaẹnmwa khare wẹẹ, “Mẹ gha bu abe gbe ọmwa ne ọ fi iyeke gbe mwẹ, ọ na ya mu ẹtin yan ọmwa, yan ẹtin ọmwa ne ọ vbe wu.

II Kọrinti 12:7

Sokpan, ne ọ miẹn ehe na kie mwẹ ukpẹ ọre, ne emwi ọyunnuan ne aro mwẹ sẹe na i ghẹ ya mwẹ gha tọn ifuẹn mu, ọ keghi rhie emianmwẹ ne ọ wegbe mẹ, ne ọ gha ye vbe ukọ setan, ne ọ gha kinmwi mwẹ, nọ da mwẹ obọ uhiomwẹ yi.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.