II Samuẹl 24:15 - Edo Bible (E Baibol Ẹdo) Version 1996

¹⁵ Ẹre Nọyaẹnmwa na fi egboghogbogho fi Izrẹl ke owiẹ ya sẹ ẹghẹ ne ọ rhie yọ, ke obọkpa vbe ẹvbo nii ya sẹ obọ nọkpa, ivbi Izrẹl ni wulo kegha re arriaisẹn ekigbe siyenẹ (70,000).

II Samuẹl 24:15 ပူးပေါင်းရင်းမြစ်များ

II Samuẹl 24:2

Ẹre Devid na tama e Joab ne ọkaokuo ẹre wẹẹ, “Viọ emwa iwinna ruẹn mwẹ obọ, ne uwa la ẹwae Izrẹl hia khinkhian ne uwa ka emwa hia. I ho ne I rẹn inu ne iran khin.”

I Krọnikol 21:14

Rhunmwuda ọnii, e Nọyaẹnmwa keghi gie egboghogbogho gie ivbi Izrẹl, arhin arriaisẹn ekigbesiyenẹ (70,000) keghi wulo vbe uwu iran. Iyeke ọnii,

I Krọnikol 27:24

E Joab ne a tie iye ẹe e Zeruaia keghi suẹn gha ka ẹvbo sokpan, ọ ma kae fo. Osanobua keghi rri ivbi Izrẹl oya rhunmwuda, ikẹvbo na, rhunmwuda ọnii, a ma ghi gbẹn inu ne ọ khin ye ebe ọghe Devid ne ọba.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.

Nọmbas 25:9

Sokpan ọ gbele sẹ arhin arriaisẹn enẹ yan ugie (24,000) nẹ.

Matiu 24:7

Ẹvbo na gha mu okuo gie nọkpa, otọ arriọba na ghi mu okuo gie nọkpa. Ukhumwu kevbe igbohiotọ ghi gha rre ehe hia.

Arhie Maan 6:8

I ghi tọn aro mu, I keghi bẹghe ẹsin ne egbe ẹre fua banbanban. Iran kegha tie ọmwa ne ọ hin ẹnrẹn khian, “Uwu.” Ẹrinmwi erhẹn keghi wa gha lele ẹre usomwẹ owẹ khian. A keghi rhie asẹ ne iran yan obọ ọkpa vbe vbe a gha wa agbọn ye ihe enẹ, ne iran ya umozo kevbe ukhunmwu kevbe emianmwẹ, kevbe avbe aranmwẹ ni khọ ni rre otọ agbọn, gbele emwa.

I Samuẹl 6:19

E Nọyaẹnmwa keghi gbele ivbi Bẹt Siemẹs eso rhunmwuda iran kegha ghe uwu Ẹkpẹti Ile nii, ọ keghi gbele arhin ekigbe sẹ iyenẹ vbe uwu iran. Emwa nii keghi khiẹ, rhunmwuda ne eso na wulo vbe uwu iran.