II Samuẹl 23:8 - Edo Bible (E Baibol Ẹdo) Version 1996

⁸ Eni avbe ivbiyokuo e Devid ni hin ukhuaẹn ọ re ena khin: e Josiẹb Basiẹbet, ovbi ẹvbo ne a tie ẹre Takimon, rẹn ọ gha re ọkaolotu, “Iran ne Eha.” Ọ keghi ya asoro ẹre gu arhunmwu uri enẹ (800) gbinna, ọ na gbele ehia a vbe okuo ọkpa kẹkan.

II Samuẹl 23:8 ပူးပေါင်းရင်းမြစ်များ

II Samuẹl 10:7

E Devid ghi họn, ọ keghi gie Joab kevbe ivbiyokuo hia bu iran.

I Ọba 1:8

Sokpan, e Zadọk ne ohẹn, e Benaia ne ovbi Jehoaida, e Natan ne akhasẹ, e Simẹi, e Rei kevbe emwa ne Devid ya khẹ egbe, ma yobọ ye Adonaija re.

I Krọnikol 11:10

Eni avbe ivbiyokuo e Devid ni hin usi ọ re ena khin, iran na ọ re ọ yaba ivbi Izrẹl nekpa, ru iyobọ ne ẹẹn ne ọ rriọba zẹ vbene Nọyaẹnmwa kha re, iran kevbe ya arriọba ẹre igie muotọ.

I Krọnikol 27:1

Eni avbe ekaolotu Izrẹl ọ re ena khin zẹ vbe ọghe ẹgbẹe kevbe uniẹn kevbe emwa ni rre asẹ ni gha ye iwinna arriọba khian. Uki ọkpa ọ re a ya zẹ oka ughughan ne arhin arriaisẹn enẹyan ugie (24,000) ye ne iran gha winna vbe ototọ enọkhaemwisẹ vbe uki nii.

I Krọnikol 27:2

Iran na ọ re ọ gha khaemwisẹ vbe uki ọkpọkpa, Uki ne okaro: e Jasiọbim ne ovbi e Zabdiẹl (ovbi uniẹn e Pẹrẹs ọ re nọ, ọkpa vbe ẹwae e Juda.) Uki ne ogieva: e Dodai ne ovbi uniẹn Ahohai (ọmwa ne ọ gha zẹ ke ẹe kegha re Miklọt) Uki ne ogieha: e Benaia ne ovbi e Jehoiada ne ohẹn, rẹn ọ re ọ gha re ọkaolotu “Iran ne Ọgban” (Amizabad ne ovbi ẹre ne okpia ọ re ọ rhie ihe ẹre zẹ vbe olotu oka na) Uki ne ogienẹ: Asahẹl ne ọtẹn e Joab (ovbi ẹre ne okpia ighẹ Zebadaia ọre ọ rhie ihe ẹre) Uki ne ogisẹn: e Siamhut ne ovbi uniẹn Izia Uki ne ogiehan: Ira ne ovbi Ikẹs ne ọ ke Tẹkoa rre Uki ne ogihinrọn: e Helẹz ovbi Ifreim ne ọ ke Pelọn rre Uki ne ogierẹnrẹn: e Sibekai ne ọ ke Husia rre (ovbi uniẹn e Zẹra nọ, ọkpa vbe ẹwae Juda) Uki ne ogihinrin: Abiẹzẹ ne ọ ke Anatọt rre vbe otọ ẹwae Bẹnjamin Uki ne ogigbe: e Maharai ne ọ ke Nẹtofa rre (ovbi uniẹn e Zẹra nọ) Uki ne ogiowọrọ: e Benaia ne ọ ke Piratọn rre vbe otọ ẹwae Ifreim Uki ne ogiweva: e Heldai ne ọ ke Nẹtofa rre (ovbi uniẹn Otniẹl ọre nọ).

I Krọnikol 27:32

E Jonatan ne ovbi iye erha Devid kegha re ọguọmwaziro ne ọ guẹe ẹsẹse kevbe ne ọ rẹn emwi. Rẹn kevbe Jẹhiẹl ne ovbi e Hakmọn ọ re a mu ẹmwẹ emwi ne a ma ivbi ọba re ye ọ re obọ.

Giọgis 15:15

Rẹn ghi ghe ghe ugboloko agbanmwẹ ekẹtẹkẹtẹ, ọ na gua ẹe rhie ọ na ya ẹe gbele arhin arriaisẹn (1,000).