II Samuẹl 23:20 - Edo Bible (E Baibol Ẹdo) Version 1996

²⁰ E Benaia, ne ovbi e Jehoaida ne ọ ke Kabzil rre kegha re ovbiyokuo ne ọ hin usi, ọ winna iwinna ni hin okhuaẹn eva ne ivbi e Moab. Ọ kevbe la uwu uvun vbe ẹdẹ ne esia wa de, ọ na ya gbe oduma.

II Samuẹl 23:20 ပူးပေါင်းရင်းမြစ်များ

II Samuẹl 1:23

“E Sọl kevbe Jonatan, ọsughe kevbe eghẹnghẹn ọ re iran te khin, kevbe ẹfe kevbe uwu, te iran sikan mu egbe, okhian kẹ iran sẹ oghohọn, iran wegbe sẹ oduma.

II Samuẹl 20:23

E Joab keghi re ọkaokuo ivbiyokuo Izrẹl, e Benaia ne ovbi e Jehoaida kegha gbearoghe ivbi ọkpọmwa e Devid.

II Samuẹl 23:19

Rẹn ọ gha re ne ọ hin usi sẹẹ vbe uwu iran ne ọgban nii, ọ kegha re ọkaolotu iran, sokpan ọ ma hin usi vba “Iran ne Eha” nii.

II Samuẹl 23:21

Ọ kevbe gbe ovbi Igipt ọkpa ọmwa ne ọ ye higboo, ne ọ ye asoro ya khẹ egbe. E Benaia keghi ya orhokhua guẹe gbinna, ọ na gua asoro rhie vbe obọ ovbi Igipt nii, ọ na ya ẹe gbe ẹe rua.

II Samuẹl 23:22

Enena ọrọre emwi udinmwẹ ne Benaia ru.

II Samuẹl 8:18

E Benaia ne ovbi Jehoaida, kegha re ọkaolotu iran ne Devid hẹ gaga egbe, ivbi e Devid kevbe gha re ohẹn.

I Ọba 1:26

Sokpan, ọ ma tie mwẹ, enọwanrẹn ra e Zadọk ne ohẹn ra Benaia ra e Solomọn.

I Ọba 1:38

Ẹre Zadọk, e Natan, e Benaia kevbe otu ne ọba ya khẹ egbe, na mu e Solomọn hin ẹsin e Devid, iran na lele ẹe gha rrie Ẹzẹ e Gihọn.

I Ọba 1:8

Sokpan, e Zadọk ne ohẹn, e Benaia ne ovbi Jehoaida, e Natan ne akhasẹ, e Simẹi, e Rei kevbe emwa ne Devid ya khẹ egbe, ma yobọ ye Adonaija re.

I Ọba 2:46

Ẹre ọba na gie Benaia uhunmwu, rẹn na gha khian ọ na ya gbe Simẹi rua. Ẹghẹ na, te obọ e Solomọn ghi wa gba emwi hia fẹẹrẹ.

I Krọnikol 12:8

Eni iran ena khin ighẹ avbe ivbiyokuo ni hin usi kevbe ni kpee vbe okuo ne a yo, ni ke ẹwae e Gad rre do deba ivbiyokuo e Devid vbe ẹghẹ ne ọ na gha rre ehe ne a gbe odin ga vbe ato. Iran kegha re emwa ne asoro kevbe asa ne a lo mobọ gua ẹre obọ ro. Iran kevbe mu ohan vbe aro zẹ vbe oduma, iran kevbe rhulẹ zẹ vbe ẹrhuẹ ne uhunmwu oke.

I Krọnikol 18:17

E Benaia ne ovbi e Jehoiada kegha re ọkaolotu iran ne Devid ya khẹ egbe, ivbi e Devid ni ikpia kevbe gha rre ukpo ni yo vbe oga ọba ẹre.

Ẹksọdọs 15:15

Banbanna nian, avbe ekhaẹmwẹ nii rre Idọm runraẹn nẹ, okpemwa nii rre Moab guọ nẹ. Egbe fu emwa hia nii rre Kenan,

Jọsua 15:21

Avbe ẹvbo ni ghi sikẹ odẹ ekẹn sẹẹ ni gha re ọghe iran, ne a miẹn wẹ ọ sikẹ uwu ọghe iran vbe Idọm kegha re Kebzil, Ẹdẹ, Jagọ,