II Samuẹl 23:18 - Edo Bible (E Baibol Ẹdo) Version 1996

¹⁸ Ọtẹn e Joab ighẹ Abisiai (ne ovbi Zeruaia) kegha re ọkaolotu iran ọgban ni hin usi nii. Ọ keghi ye asoro ẹre gu arhin iyisẹn yan uri (300) gbinna, ọ keghi gbele iran an, ọ keghi do khian ne ọ hin usi vbe uwu avbe iran ọgban nii.

II Samuẹl 23:18 ပူးပေါင်းရင်းမြစ်များ

II Samuẹl 10:10

Ọ keghi viọ ivbiyokuo nekpa ne ọtiọnrẹn ighẹ Abisiai, rẹn na gha iran ye ehe ne iran na mu aro da ivbi Amọn.

II Samuẹl 10:14

Ivbi Amọn ghi miẹn wẹ ivbi e Siria lẹre, iran keghi vbe lẹ hin ehe ne Abisiai ye rre, iran na la adesẹ ore ẹvbo. Ẹre Joab ghi na werriegbe ke okuo ne ọ te gu ivbi Amọn khọn, ọ na gha die Jerusalẹm.

II Samuẹl 18:2

Ọ keghi wa iran ye ihe eha, ọ na mu obọkpa ne Joab, obọkpa ne Abisiai ne ọtẹn Joab kevbe obọkpa ne Itai ne ovbi ẹvbo ne a tie ẹre Gat, ọba keghi tama emwa rẹn wẹẹ, “Me tobọ mwẹ gha lele uwa gha khian.”

II Samuẹl 2:18

Ivbi e Zeruaia eha ighẹ Joab, Abisiai kevbe Asahẹl, kegha rre evba. Asahẹl ne a rẹnrẹn wẹ te ọ rhulẹ vbe ẹrhuẹ,

II Samuẹl 20:10

Amasa ma vbe bẹghe umozo ne Joab mu mwẹ, e Joab keghi bi umozo ye ọ re ẹko, ibiẹ ọre hia keghi silo ku otọ. Ọ ke wa wu vbe ọwarọkpa nii. E Joab ma ghi vbe fi ẹre emwi ọvbehe. Ẹre Joab kevbe Abisiai ne ọtiọnrẹn na khu e Siẹba.

II Samuẹl 23:19

Rẹn ọ gha re ne ọ hin usi sẹẹ vbe uwu iran ne ọgban nii, ọ kegha re ọkaolotu iran, sokpan ọ ma hin usi vba “Iran ne Eha” nii.

II Samuẹl 3:30

Erriọ ọ re a na miẹn wẹ e Joab kevbe Abisiai ne ọtiọnrẹn na gbe Abna an, rhunmwuda ighẹ ọ gbe Asahẹl ne ọtẹn iran vbe okuo Hibrọn.

I Krọnikol 2:16

Ọ kevbe gha mwẹ emọ ikhuo eva, e Zeruaia kevbe Abigẹl. E Zuraia ne ovbi e Jese ne okhuo kegha mwẹ emọ ikpia eha, ena kegha re Abisiai, e Joab kevbe Asahẹl.

Asan-Ibo 4:12

Arhienva gha sẹtin rrọ igbinna ne orhiọnkpa i ra sẹtin rhie uhunmwu da. Irri ne a ba ẹre eha kugbe I rherhe fian.