II Samuẹl 23:17 - Edo Bible (E Baibol Ẹdo) Version 1996

¹⁷ Ọ keghi kha wẹẹ, “E Nọyaẹnmwa, mẹ i wọn ọna! Te ọ khian yevbe ne a wọn esagiẹn emwa na, ni rhie uhunmwu iran mwẹ atataobọ.” Rhunmwuda ọnii, ọ ma wọn ẹẹn. Enena ọrọre emwi udinmwẹ ne iran ne ivbiyokuo eha ni hin usi na ru.

II Samuẹl 23:17 ပူးပေါင်းရင်းမြစ်များ

Gẹnẹsis 44:17

E Josẹf keghi wanniẹn wẹẹ, “Hiehiere! mẹ i khian ru vberriọ, ọmwa ne a miẹn ukpu nii vbe obọ ẹre ọkpa ọre ọ ra gha re ọviẹn mwẹ. Wa nekpa sẹtin bu erha uwa gha khian vbe egbe hẹnnẹdẹn.”

Gẹnẹsis 9:4

Emwi ọkpa kẹkan ọre ọ rrọọ ne u i khian re, ọnii ọre emiowo ne esagiẹn ye ye. I mu awua yọ rhunmwuda, esagiẹn ọre orhiọn ye.

II Samuẹl 20:20

E Joab keghi wanniẹn wẹẹ, “Ẹn o, I i ra guọghọ ra ne I vbe mu ẹvbo uwa rhia.

I Ọba 21:3

E Nabot keghi wanniẹn tama rẹn wẹẹ, “Obọ avbe erha mwẹ odede ọ re I na rri ugbo na vbe ukhu. Osanobua ghẹ gun mwẹ mu ẹẹn ne uẹn.”

I Krọnikol 11:19

ọ wẹẹ, “Ohan i gun mwẹ wọn ọna, te ọ ra yevbe ne a wọn esagiẹn emwa na ni rhie uhunmwu da ẹbe.” Rhunmwuda ọnii, ọ ma wọẹn. Iwinna udinmwẹ ne ivbiyokuo eha ni hin usi winnaẹn ọ re ọnii khin.

Psalm 72:14

Ọ miẹn iran fan hin obọ, a zẹ ọmwa kpokpo kevbe ọkpankpan, ighobioye ọ re ẹdagbọn iran khin ne ẹẹn.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Iyẹn ne ọ Maan Ọghe Mak 14:24

Jesu keghi khama iran wẹẹ, “Ọnọna ọrọre esagiẹn mwẹ ne a gbe ye otọ ne emwa ni bun, esagiẹn mwẹ ne a ya yi ile Osanobua okhi.

I Kọrinti 15:30

Kevbe ima tobọ mwa, vbe ọ zẹ ne ima na rhie uhunmwu mwẹ atataobọ vbe ẹghẹ hia?

Giọgis 5:18

Sokpan ẹwae Zẹbulọn kevbe Naftali, keghi viọ uhunmwu mwẹ atataobọ vbe odaro okuo.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.

I Samuẹl 26:11

A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”