II Samuẹl 23:16 - Edo Bible (E Baibol Ẹdo) Version 1996

¹⁶ Ivbiyokuo ni hin usi eha nii na wa ya uhunmwu zẹ odẹ la uwu agọ ivbi e Filistin gberra, iran na ya sa amẹ vbe uhae nii, iran na mu gie Devid sokpan, ọ ma wọn ẹẹn, ọ keghi hi hiẹ ọe kua zẹ vbe emwi ne a ya zọ ese ghe Nọyaẹnmwa.

II Samuẹl 23:16 ပူးပေါင်းရင်းမြစ်များ

Gẹnẹsis 35:14

E Jekọb keghi mu okuta ayere ye evba nii. Ọ keghi sa emwi na wọn ya zọ ese yan rẹn, kevbe ofigbọn.

II Samuẹl 23:9

Ne ọ ghi vbe lele ẹe ọvbehe ọkpa vbe rrọọ vbe uwu “Iran ne eha” ni hin usi nii, ọnii ọ re Eliaza ne ovbi e Dodo kevbe eyẹ Ahoo. Vbe ẹghẹ ọkpa, rẹn kevbe Devid ke duẹ iran an ighẹ ivbi e Filistin ni te si koko khẹ okuo. Ivbi Izrẹl keghi te lẹ kua.

I Krọnikol 11:18

Ivbiyokuo ni hin usi eha keghi ya uhunmwu ha agọ ivbi e Filistin gberra, iran keghi sa amẹ vbe uhae nii, iran na mu bu e Devid gha dee. Sokpan, ọ ma wọn ẹn, ọ keghi hihiẹ ọe ku otọ zẹ vbe emwi izọ ese ghe Nọyaẹnmwa,

Asan-Ibo 4:12

Arhienva gha sẹtin rrọ igbinna ne orhiọnkpa i ra sẹtin rhie uhunmwu da. Irri ne a ba ẹre eha kugbe I rherhe fian.

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Nọmbas 28:7

U ghi hihiẹ ọgọ ayọn eva ye aka zẹ vbe ayọn ne a mu lele oteghe ohuan ne okaro.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Ebe ne Pọl gbẹẹn gie emwa Rom 5:7

Emwi ne ọ lọghọ nọ ọmwa te do wu ba ẹmwẹ ọmwa ne ẹ i ba emwi ku ru. Ughaghe a ghi miẹn ọmwa ne ọ gha sẹtin wu ne ọmwa esi.

II Kọrinti 5:14

Rhunmwuda, aho ẹmwẹ ọmwa ne Kristi mwẹ ghe mwa, ọre ọ da kha yan mwa, ugbẹn vbe ima ghi do rẹn nẹ nian wẹ, orhiọnkpa wu ne emwa hia, ne ọ rhie maa wẹ, emwa hia mwẹ oghae vbe uwu ẹre.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

I Samuẹl 19:5

Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”

I Samuẹl 7:6

Iran keghi rhunmwuda ọnii ya miẹn egbe vbe Mizpa. Iran keghi sa amẹ, iran na sa ẹe kua zẹ vbe emwi imuohan ne Nọyaẹnmwa. Iran keghi wa ya ẹdẹrriọ hia gha rre aguẹ. Iran kegha kha wẹẹ, “Ma ru orukhọ ghe e Nọyaẹnmwa nẹ.” (E Samuẹl kegha rre Mizpa, ọ na gha khaemwisẹ yan ivbi Izrẹl.)