II Samuẹl 23:15 - Edo Bible (E Baibol Ẹdo) Version 1996

¹⁵ Owa keghi wa gha khọn e Devid ẹsẹse, rhunmwuda ọnii, rẹn keghi kha wẹẹ, “Akpawẹ a miẹn ọmwa ne ọ gha ya sa amẹ gun mwẹ nian vbe uhae ne ọ rre ọkpẹn onurho e Bẹtlẹhẹm.”

II Samuẹl 23:15 ပူးပေါင်းရင်းမြစ်များ

Gẹnẹsis 35:19

Ugbẹn vbe Rekiẹl ghi wu nẹ, a keghi re ẹre ye odẹ ne a la ye Efrat (ne ọ ghi re Bẹtlẹhẹm na).

II Samuẹl 23:16

Ivbiyokuo ni hin usi eha nii na wa ya uhunmwu zẹ odẹ la uwu agọ ivbi e Filistin gberra, iran na ya sa amẹ vbe uhae nii, iran na mu gie Devid sokpan, ọ ma wọn ẹẹn, ọ keghi hi hiẹ ọe kua zẹ vbe emwi ne a ya zọ ese ghe Nọyaẹnmwa.

I Krọnikol 11:17

Ẹmwẹ owa keghi gha da e Devid, ọ keghi kha wẹẹ, “Vbọ rrọọ nian akpawẹ, I gha miẹn ọmwa ne ogha sa amẹ uhae ne ọ rre onurho e Bẹtlẹhẹm gun mwẹ wọn.”

Psalm 119:81

Egbe wa wọ mwẹ Nọyaẹnmwa, ne I ya diakhẹ ruẹ ne u do miẹn mwẹ fan, I mu ẹtin yan ẹmwẹ ruẹn.

Psalm 63:1

Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

Aizaia 41:17

“Ẹghẹ ne avbe emwa mwẹ gha na gualọ amẹ ne iran i mwẹ, ẹghẹ ne ovbamẹ gha na kaka iran ẹho ua, ẹghẹ nii, mẹ ne Nọyaẹnmwa gha họn erhunmwu iran. Mẹ ne Osanobua Izrẹl i ra he iran yotọ.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Iyẹn ne ọ Maan Ọghe Jọn 7:37

Ikpẹdẹ ne okiekie ọghe emwiukpo ọrọre ogiete ehia. Vbe ẹdẹ ni zẹẹ, Jesu keghi kpaegbe mudia, ọ na davan wẹẹ, “Ọmwaikọmwa ne ohanmwẹ amẹ gbe, wẹ ne ọ bu mwẹ gha dee ne ọ do wọn. (