II Samuẹl 23:14 - Edo Bible (E Baibol Ẹdo) Version 1996

¹⁴ Vbe ẹghẹ ne a kha na, e Devid keghi rre uwu ako ikhẹgbe, ivbi e Filistin eso kegha rre Bẹtlẹhẹm.

II Samuẹl 23:14 ပူးပေါင်းရင်းမြစ်များ

Gẹnẹsis 35:19

Ugbẹn vbe Rekiẹl ghi wu nẹ, a keghi re ẹre ye odẹ ne a la ye Efrat (ne ọ ghi re Bẹtlẹhẹm na).

II Samuẹl 5:17

Ivbi e Filistin keghi họn ighẹ a ma e Devid ọba Izrẹl, iran hia keghi ladian ne iran ya mu ẹre oghunmwu. E Devid ghi họn, ọ na gha rrie odin ẹvbo.

I Krọnikol 12:16

Ẹghẹ ọkpa, ikpia eso keghi si egbe koko vbe Bẹnjamin kevbe Juda, iran na bu e Devid vbe ehe ne ọ ye ne a gbe odin ga vbe ato.

I Samuẹl 10:5

U ghi gha rrie oke Osanobua ne ọ rre Gibea, ehe ne agọ ivbi e Filistia ọkpa ye. U gha sẹ onurho ẹvbo nii, u gha miẹn otu avbe akhasẹ eso ni tuorre ke aka ne ọ rre uhunmwu oke nii dee, iran gha kpe akpata, ema, ufere kevbe ẹgiọn. Iran ghi gha kuu, iran ghi gha golo.

I Samuẹl 13:23

Ivbi e Filistin keghi gie ọka ivbiyokuo ọkpa ne iran ya gha khẹ Ada Mikmas.

I Samuẹl 13:4

Ivbi Izrẹl hia keghi họn ighẹ e Sọl gbe ọkaokuo ivbi e Filistin kevbe wẹ te ivbi e Filistin ghi khọ ẹko iran. Emwa ni hia keghi wa khuẹnniẹn yọ, iran keghi bu e Sọl gha rrie Gilgal.

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 22:1

E Devid keghi lẹ hin e Gat rre, ọ na ya lẹre ye uvun okuta ọkpa vbe ọkpẹn Adulam. Avbe etiọnrẹn kevbe emwa ẹgbẹe ọre nekpa ghi họn ighẹ ọ rre evba, iran keghi ya deba ẹre.

I Samuẹl 24:22

E Devid keghi yan wẹ rẹn gha ru vberriọ. Ẹre Sọl na gha rrie owa, e Devid kevbe emwa rẹn kegha rrie ehe ne iran lẹre yi.