II Samuẹl 23:10 - Edo Bible (E Baibol Ẹdo) Version 1996

¹⁰ Sokpan, rẹn ma vbọ owẹ, ọ gu ivbi e Filistin gbinna sẹ vberriọ wẹ te obọ ẹre ghi sigba vbene umozo ẹre ma na ghi gie ẹe rhie hin obọ rre. E Nọyaẹnmwa keghi khọnmiotọ ẹsẹse ẹdẹ nẹdẹrriọ. Okuo fo nẹ, ivbi Izrẹl keghi werriegbe gha die ehe ne Eliaza ye, ne iran do kie ẹwu igbinna vbe egbe emwa ni wulo.

II Samuẹl 23:10 ပူးပေါင်းရင်းမြစ်များ

II Samuẹl 23:12

Sokpan Siama ma vbọ owẹ vbe ugbo nii, ọ keghi degbe odẹ ugbo nii, ọ na gbele ivbi e Filistin. E Nọyaẹnmwa keghi khọnmiotọ ẹsẹse, ẹdẹ nẹdẹrriọ.

II Ọba 5:1

E Naaman ne ọkaokuo e Siria kegha re ọmwa ne ọba e Siria daa na kevbe ne ọ vbe ye ọghọ na, rhunmwuda, akhọnmiotọ ni bun ọ re Nọyaẹnmwa he la obọ e Naaman rhie ne Siria. Ovbiyokuo nọkhua wa nọ, sokpan ọ kegha khuọnmwi alalọ.

I Krọnikol 11:13

Rẹn mudia ke Devid gu ivbi e Filistin gbinna vbe okuo e Pas Demim. Ugbo ọka rẹn gha ye vbe ivbi Izrẹl vẹ kua vbe okuo.

Psalm 108:13

Ugbẹn vbe Osanobua yaba ima nẹ, ma gha khọnmiotọ; ọ gha khọn avbe eghian mwa miotọ nẹ ima.

Psalm 144:10

Wẹ ọ re ọ rhie akhọnmiotọ ne avbe ọba, u keghi vbe miẹn Devid ne ọguọmwadia ruẹ fan,

Psalm 68:12

Avbe ọba kevbe iyokuo iran lẹ rriẹ, ikhuo ni rre owa keghi ghae emwi ne obọ vbare vbe okuo.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Ebe ne Pọl gbẹẹn gie emwa Rom 15:18

I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.

II Kọrinti 4:5

Rhunmwuda, ẹ i re egbe ima ma kpe orhu ẹre, ma kpe orhu Jesu Kristi zẹ vbe Nọyaẹnmwa, kevbe ima tobọ mwa zẹ vbe eguọmwadia uwa vbe ekpa Jesu.

Jọsua 10:10

E Nọyaẹnmwa keghi fian afianma ne ọ ya emwa zurọ fi ivbi Amọri egbe vbe iran wa bẹghe ivbiyokuo ọghe Izrẹl. Ivbi Izrẹl keghi lọ iran an vbe Gibiọn, iran na khulo iran ghe ototọ oke ya la Bẹt-horọn, iran keghi gbinna ghe odẹ ekẹn ya sẹ Azẹka kevbe Makẹda.

Jọsua 10:42

Uhukpa ne Jọsua mu okuo gie avbe ọba na, ọ keghi wa khọn iran khọn ẹvbo iran mu tan, rhunmwuda e Nọyaẹnmwa ne ọ re Osanobua ọghe Izrẹl ọ re ọ ghaa gbinna ne Izrẹl.

Jọsua 11:8

E Nọyaẹnmwa keghi rhie akhọnmiotọ vbe uhunmwu iran, ne ivbi Izrẹl. Ivbi Izrẹl keghi dekun iran, iran na khulo iran ghe odẹ okuọ ya sẹ Saidọn nọkhua kevbe Misrefọt Maim, kevbe e Saidọn odẹ ahọ ya sẹ Mispa. Iran keghi wa gha khian a te do miẹn wẹ, a ma ghi miẹn ọkpa ne ọ ghi de kẹe vbe uwu iran ne eghian.

Giọgis 15:14

Ọ ghi sẹ Lẹhi, ivbi e Filistia keghi wa gha vẹ bu ẹre dee, iran kegha go yan rẹn. Orhiọn e Nọyaẹnmwa keghi rhie ẹtin ne ẹẹn, ọ keghi giagia irri ne a ya gbalọ ẹre obọ gbalọ ẹre owẹ kua vbene a gha kha wẹ oru ne erhẹn giẹnrẹn ọ re nọ.

Giọgis 15:18

Ovbamẹ ke wa gha gbe Samsin, ẹre ọ na datie Nọyaẹnmwa wẹẹ, “U rhie akhọnmiotọ nọkhua na mẹ nẹ, te ovbamẹ ghẹ ghi gbe mwẹ uan ra ne avbe ivbi e Filistia ni ga ẹbọ na do mu mwẹ oghunmwu gha rrie?”

I Samuẹl 11:13

Sokpan, e Sọl keghi kha wẹẹ, “A i gbe ọmwa rhọkpa a ẹrẹna rhunmwuda ẹdẹnẹrẹ ọ re Nọyaẹnmwa miẹn Izrẹl fan.”

I Samuẹl 14:23

Okuo ni keghi gberra e Betavin, e Nọyaẹnmwa keghi miẹn ivbi Izrẹl fan vbe ẹdẹ ne ẹdẹrriọ.

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 17:53

Ivbi Izrẹl keghi werriegbe vbe ehe ne iran na te khulo ivbi e Filistin khian, iran keghi fu iran emwi viọ vbe agọ iran.

I Samuẹl 19:5

Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”