II Samuẹl 22:48 - Edo Bible (E Baibol Ẹdo) Version 1996

⁴⁸ Ọ rhie akhọnmiotọ mẹ vbe uhunmwu eghian mwẹ, ọ hie emwa ni uhunmwu rre vbe ototọ mwẹ.

II Samuẹl 22:48 ပူးပေါင်းရင်းမြစ်များ

II Samuẹl 18:19

Ẹre Ahimaz ne ovbi e Zadọk na khama e Joab wẹẹ, “Gun mwẹ rhulẹ ya na iyẹn oghọghọ na ma ọba wẹ, e Nọyaẹnmwa miẹn rẹn fan vbe obọ eghian rẹn nẹ.”

II Samuẹl 18:31

Ẹre ovbi Sudan ne ọviẹn nii na rre, ọ keghi tama ọba wẹẹ, “Iyẹn oghọghọ ọ re I rhie rre Umogun. Ẹdẹnẹrẹ na, e Nọyaẹnmwa gie obọ ruẹ ke okhunmwu ne iran ni sọtẹ ghe ruẹ!”

II Samuẹl 4:8

Iran na mu uhunmwu ẹnrẹn gie Devid ne Ọba vbe Hibrọn, iran tama rẹn wẹẹ, “Ghe uhunmwu Isbosiẹt ne ovbiye Sọl ne oghian an, ọ te gha ho ne ọ gbe uẹ ua. Vbe ẹdẹ nẹrẹ na nian, e Nọyaẹnmwa khọn ekhae nuẹn, Umogun, vbe egbe Sọl kevbe uniẹn ọnrẹn.”

Psalm 110:1

E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”

Psalm 144:2

Rẹn ọrọre ne ọ degue mwẹ kevbe ne ọ gbinna mẹ ugue kevbe ọmiọnmwafan mwẹ, ọmwa ne imẹ mu ẹtin yan ne I fe hin ẹbe rre. O rhie mwẹ obọ yan uhunmwu ẹvbo nibun uhunmwu.

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

I Kọrinti 15:25

Rhunmwuda, ẹ i mwẹ Kristi ma gha khaemwisẹ rhinrin Osanobua te do khọn miotọ vbe uhunmwu eghian hia, ọ ghi vbe viọ ehia ye ototọ owẹ ọre.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

I Samuẹl 24:12

E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.

I Samuẹl 25:30

E Nọyaẹnmwa ghẹ ghi ru emwi esi ne ọ yan ma ruẹn na hia nẹ, ọ na vbe ya a rri ọba Izrẹl.

I Samuẹl 25:39

Ugbẹn vbe Devid ghi họn wẹ Nabal wu, ọ keghi kha wẹẹ, “Rhie urhomwẹ ne Nọyaẹnmwa, ọ rria Nabal ikhi ye ihẹn ne ọ tie mẹ, ọ ma gie imẹ ne ọguọmwadia ẹre ru a i ghẹru. E Nọyaẹnmwa rria e Nabal ikhi ye emwi dan ne ọ ru.” Ẹre Devid na gie ne a khama Abigẹl wẹ rẹn ho ne irẹn si ẹre ẹgbẹe.