II Samuẹl 22:42 - Edo Bible (E Baibol Ẹdo) Version 1996

⁴² Iran gualọ iyobọ, ne ọ gha miẹn iran fan i rrọọ, iran tu tie Nọyaẹnmwa, sokpan ọ ma khuẹn niẹn iran.

II Samuẹl 22:42 ပူးပေါင်းရင်းမြစ်များ

Job 27:9

Ukpokpo gha rre, Osanobua gha họn utumwẹ iran ra?

Itan 1:28

Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 17:7

Ọ gha sẹ ẹdẹ nẹdẹrriọ, emwa gha lẹ bu Ayi ne ọ yii iran ne ọ re Osanobua Nọhuanrẹn ọghe Izrẹl rre ne ọ do ru iyobọ ne iran.

Aizaia 17:8

Iran i ghi ra dọlegbe mu ẹtin yan avbe Ogiukpo ne iran ya obọ iran ma, ra ne iran mu ẹtin yan iwinna obọ iran, avbe amazẹ ọghe Asiẹrra ne ẹbọ nokhuo kevbe avbe Ogiukpo ne a na giẹn eturari.

Ezikiẹl 20:3

“Ovbi ọmwa, gu avbe emwa na guan, ne u tama iran vbene Nọyaẹnmwa ne Udazi kha hẹ wẹ. Te uwa rre do nọ emwi ne ọ rrọ mwẹ ekhọe, ra ẹ i re erriọ? Omwa vbene a na miẹn wẹ mẹ ọrọre Osanobua ne ọ rrọọ, mẹ i ra kue ne uwa nọ mwẹ emwi rhọkpa. Mẹ ne Nọyaẹnmwa ne Udazi tae nẹ.

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

I Samuẹl 28:6

Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.