II Samuẹl 22:33 - Edo Bible (E Baibol Ẹdo) Version 1996

³³ Osanobua na ọrọre ugue mwẹ ne ọ wegbe, ọ ye odẹ mwẹ khian ne ẹbe i ye.

II Samuẹl 22:33 ပူးပေါင်းရင်းမြစ်များ

II Samuẹl 22:2

E Nọyaẹnmwa ọ re ọ re ne ọ degue mwẹ, rẹn ọ re owa ọkhẹ mwẹ nọ wegbe.

Job 22:3

Emwi esi ne u ru vbe zẹ ẹfe ku Osanobua ra, ra, ne u na maa mwẹ emwi ne ọ ru ne ẹẹn?

Psalm 101:2

Uyinmwẹ mwẹ gha re ne ẹ i mwẹ abaku, de ẹghẹ ne u gha ya bu mwẹ rre? I gha yin uyinmwẹ ne ọ khuiae vbe owa mwẹ.

Psalm 101:6

Mẹ gha guan ẹse ye ọghe iran ni rhie ekhọe lele Osanobua, I gha gie iran gha rre ẹguae mwẹ. Iran ne ẹ i mwẹ okeke hiehiere I gha gie iran gha ru eguọmwadia mwẹ.

Psalm 119:1

Afiangbe ọrọre ọghe iran ne uyinmwẹ ọnrẹn gbae, ni vbe yin zẹ vbene uhi e Nọyaẹnmwa khare.

Psalm 18:32

Rẹn ọrọre Osanobua ne ọ ya mwẹ wegbe ne ọ viọ ẹbe hin urodẹ mwẹ rre.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 32:8

E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

II Kọrinti 12:9

Ewanniẹn ne ọ rhie mẹ ọrọre wẹ, “Ẹsọhẹ mwẹ ọkpa ọrọre emwi ne ọ khẹ ke ne u gha mwẹ, rhunmwuda ẹghẹ ne uwẹ ma na wo vbe egbe, ọre ẹtin imẹ na wo vbe egbe sẹ.” Rhunmwuda ọnii, te ọyẹnmwẹ ghi sẹ mwẹ ne I gha ye a ma wo vbe egbe rhuọ, ne I miẹn ehe na gha họn ẹmwẹ ifuẹn ne ẹtin Kristi tan gue mwẹ.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Diuteronomi 18:13

Wa gha re emwa ne Nọyaẹnmwa gba ẹko ẹre fẹẹrẹ.”

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.