II Samuẹl 22:3 - Edo Bible (E Baibol Ẹdo) Version 1996

³ Osanobua mwẹ ọrọre ugue mwẹ, I gha rre ehe ne ọ ye, ẹbe fo. Ọ degue mwẹ zẹ vbe asa. Ọ gbinna mẹ rhie mwẹ mwẹ, vbe a i mwẹ ẹbe. Rẹn ọrọre Ọmiọnmwafan mwẹ; ọ degue mwẹ, ọ fan mwẹ hin epiankhanrhan rre.

II Samuẹl 22:3 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

II Samuẹl 22:31

U miẹn vbe emwi ne Osanobua na ru gba ẹe hẹ. U miẹn vbe ẹmwẹ ọnrẹn gia mu ẹtin yan hẹ! Te irẹn yevbe asa, ne iran ne ọ wẹ ne ọ degue iran.

II Samuẹl 22:47

E Nọyaẹnmwa rrọọ, wa rho nọ gbinna mẹ, Osanobua ọ re ọmiọnmwafan mwẹ nọ wegbe. Wa mu ukpọlọmwẹ ọnrẹn goo.

II Samuẹl 22:49

Ọ keghi fan mwẹ vbe obọ avbe eghian mwẹ. Nọyaẹnmwa, u gun mwẹ khọn avbe eghian mwẹ muotọ, u keghi degue mwẹ hin obọ emwa ọkpankpan.

II Samuẹl 22:51

Osanobua, rhie akhọnmiotọ nọkhua ne ọba ẹre, ọ rhie ahoẹmwọmwa ne ọ gbae maa, ghe ọmwa ne ọ zẹe, ghe Devid kevbe uniẹn ọnrẹn ẹdẹdẹmwẹdẹ.

II Samuẹl 23:3

Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,

Psalm 14:6

Emwa dan ghi mu emwamwa esi ọghe ọmẹhẹ rhia, sokpan, e Nọyaẹnmwa ọre ọ rhie ẹre lẹre.

Psalm 140:1

Miẹn mwẹ fan vbe obọ emwa dan Nọyaẹnmwa, rhie mwẹ lẹre hin obọ emwa ọkhọ nii.

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 140:4

Degue mwẹ Nọyaẹnmwa, hin obọ ẹtin ọmwa dan, rhie mwẹ lẹre hin obọ emwa ọkhọ nii, ni khuan udemwẹ ye otọ khẹ mwẹ.

Psalm 142:4

I gha ghe lẹga egbe mwẹ, I ghi miẹn wẹ, ọmwa ne ọ gha yọmwẹ obọ i rrọọ, ọmwa rhọkpa i zẹ yọmwẹ re.

Psalm 144:2

Rẹn ọrọre ne ọ degue mwẹ kevbe ne ọ gbinna mẹ ugue kevbe ọmiọnmwafan mwẹ, ọmwa ne imẹ mu ẹtin yan ne I fe hin ẹbe rre. O rhie mwẹ obọ yan uhunmwu ẹvbo nibun uhunmwu.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 27:5

Ọ gha degue mwẹ vbe ẹghẹ ibaro ọ gha rhie mwẹ lẹre vbe uwu Ọgua Osa ẹre, vbe ne ai na mwẹ ẹbe. Ọ ghi vbe gie ẹkun sẹ mwẹ otọ vbe uhunmwu okuta ne ọ yo.

Psalm 28:7

E Nọyaẹnmwa degue mwẹ, ọ vbe gbinna mẹ I mu ẹtin yan rẹn. Ọ yọmwẹ obọ, ọ keghi ya ọyẹnmwẹ sẹ mwẹ, I gha so ihuan oghọghọ rho ẹre.

Psalm 3:3

Sokpan, wẹ, Nọyaẹnmwa ọrọre asa mwẹ, vbe ẹghẹ ẹbe kevbe ẹghẹ hia. Wẹ ọ re ọ rhie akhọnmiotọ mẹ. U keghi vbe rhie orhiọn yọ mwẹ iwu.

Psalm 32:7

Wẹ ọrọre ehe ne I lẹre yi, u gha fan mwẹ vbe obọ ọlọghọmwa I mu ẹmwẹ imiẹnfan ruẹn go rhunmwuda, wẹ ọ re ọ degue mwẹ.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:2

rhunmwuda ọnii, agbọn gha rhe kpẹngiẹn ighe te avbe oke nekhua werriẹ ku uwu odin okun, ohan i ra mu mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Psalm 5:12

Wẹ ọ re ọ fiangbe iran ni họn ẹmwẹ ruẹn Nọyaẹnmwa. Ahoẹmwọmwa ruẹn ọ re ọ degue iran zẹ vbe asa.

Psalm 55:9

Gie iran ne eghian mwẹ zurọ ua vbe iran a gha guan, I miẹn uyimwẹ ne ọ wegbe kevbe otighi vbe ẹvbo nii.

Psalm 59:16

Sokpan, mẹ gha so ihuan ẹtin ruẹn. Owiẹ owiẹ, ọ re imẹ gha ya kakabọ so ihuan ahoẹmwọmwa ruẹn ne ẹ i beghe. Wẹ ọrọre ugue ne ọ degue mwẹ ehe ne I lẹre yi vbe ẹghẹ ibaro.

Psalm 61:3

rhunmwuda, wẹ ọ re ọ degue mwẹ ọmwa ne ọ gu eghian gbinna mẹ.

Psalm 71:7

Ne a ghe ru, ọ re ẹdagbọn mwẹ wa khin, ne emwa nibun. Rhunmwuda, wẹ ọrọre ugue mwẹ nọ wegbe.

Psalm 72:14

Ọ miẹn iran fan hin obọ, a zẹ ọmwa kpokpo kevbe ọkpankpan, ighobioye ọ re ẹdagbọn iran khin ne ẹẹn.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Psalm 84:9

Osanobua, fiangbe ọba mwa Ọba ne uwẹ hannọ zẹ.

Psalm 86:14

Iran ni tọn egbe mu, mu aro da mwẹ Osanobua, otu emwa dan okpa ho ne ọ gbe mwẹ uan avbe emwa ne ẹ i zẹ ye uwẹ re hiehie.

Psalm 9:10

Nọyaẹnmwa, iran ni rẹn ruẹn gha mu ẹtin yan ruẹn. Wẹ i fi iyeke gbe ọmwaikọmwa, ne ọ lẹ bu ruẹ rre.

Psalm 9:9

E Nọyaẹnmwa ọrọre ehe ne iran na khu khian lẹ fi ehe ne ẹbe i ye vbe ẹghẹ ọlọghọmwa.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Itan 30:5

“Te Osanobua mu ẹmwẹ ne ọ khare sẹ. Te ọ yevbe asa ne emwa hia ni lẹ gbinna ẹn.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Jerimaia 16:9

Danmwehọ ẹmwẹ ne I ra ta, mẹ ne Nọyaẹnmwa ne Oghodua, ne Osanobua Izrẹl. I gha dobọ urhu oghọghọ yi kevbe ọghe ọyẹnmwẹ, kevbe urhu oghọghọ evbare irhiọha. Emwa ni rre emwana gha rre agbọn ne aro iran sẹ ọe vbe emwi na a sunu.

Iyẹn ne ọ Maan Ọghe Luk 1:47

ẹko mwẹ vbe sọyẹnmwẹ ghe Osanobua Ọmiọnmwafan mwẹ,

Iyẹn ne ọ Maan Ọghe Luk 1:69

Ọ gie Ọmiọnmwafan ne ọ wegbe ọkpa zọ ladian ne ima, vbe uwu uniẹn Devid ne ọguọmwadia ẹre.

Iyẹn ne ọ Maan Ọghe Luk 1:71

Wẹ rẹn gha miẹn mwa fan vbe obọ avbe eghian mwa. Kevbe hin obọ ẹtin ọghe iran hia ni khuiwu mwa.

Diuteronomi 32:37

Ẹghẹ nii, e Nọyaẹnmwa gha nọ emwa rẹn wẹẹ, ‘Avbe ẹbọ nekhua ne uwa mu ẹtin yan vbo?

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Diuteronomi 33:29

Izrẹl, a miẹn uwa ne u ghi ye ọmwa ne ọ yevbe ruẹ i rrọọ, ẹvbo ne Nọyaẹnmwa miẹnfan. E Nọyaẹnmwa tobọ re ọrọre asa kevbe umozo ọwua ne ọ gha degue ruẹ do khọnmiotọ ne uẹn. Eghian uwa gha rre do rinmwian ye itohan, wẹ gha ye owẹ rrilo iran mu otọ.”

Taitọs 3:4

Sokpan ugbẹn vbe itohan kevbe aho ẹmwẹ ọmwa Osanobua kevbe Ọmiọnmwafan mwa ghi rhie egbe maa nẹ.

Taitọs 3:6

Te Osanobua wa mobọ tue Orhiọn Ne Ọ Huanrẹn yan ima ẹsẹse, la ekpa Jesu Kristi Ọmiọnmwafan mwa.

Hibru 2:13

Ọ keghi vbe ta ẹe wẹ, “I gha mu ẹtin mwẹ yan Osanobua” ọ keghi ye vbe ta ẹe wẹẹ, “Ghe mwẹ ghe emọ ne Osanobua hẹ mẹ.”

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.

I Samuẹl 2:2

“Ọmwa ne ọ huanrẹn vbe Nọyaẹnmwa i rrọọ, ọmwa ne ọ yevbe ọre irrọọ, ugue ne ọ ye vbe Osanobua mwa i rrọọ.