II Samuẹl 22:24 - Edo Bible (E Baibol Ẹdo) Version 1996

²⁴ Rẹn rẹnrẹn wẹ, I i mwẹ ozan, rhunmwuda, I bi egbe hin emwi dan rre.

II Samuẹl 22:24 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 6:9

Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Psalm 17:1

Nọyaẹnmwa, danmwehọ erinmwian ne I rinmwian wẹ, ne a bu ohiẹn ẹmwata mẹ; zẹ ye utumwẹ ne I tu ne I ya nọ iyobọ, danmwehọ erhunmwu akekhọerre mwẹ.

Psalm 51:6

Ekhọe ne ọ diae kevbe ẹmwata; ọ re uwẹ ho, ya ẹwaẹn ruẹn vuọn ekhọe mwẹ.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

II Kọrinti 5:11

Ma rẹn emwi ne a yae kha wẹ, ne a gha mu ohan Nọyaẹnmwa, ma keghi rhunmwuda ọnii ho ne a gha bọ emwa yọ. Osanobua rẹn ima fo fẹẹrẹ, mẹ vbe yayi wẹ, vbe uwu ekhọe uwa, wa vbe rẹn mwẹ.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Kọlose 1:21

Vbe ẹghẹ ọkpa, wa keghi te wa khian rrei ne Osanobua, wa na ya eghian su ẹe vbe ekpa emwi dan ne uwa roro kevbe ne uwa ru.

Kọlose 1:22

Sokpan banbanna nian, rhunmwuda uwu ikinnegbe ne Ovbi ẹre wu, Osanobua ya uwa khian esiọre nẹ, ne ọ miẹn ehe na viọ uwa gha die odaro egbe ẹre, vbe ne ọ huanrẹn, ne ẹ i mwẹ iruẹn kevbe ne ẹ i mwẹ abe.

Hibru 12:1

Zẹ vbe ọ ghe ima, ma mwẹ osẹe ọkhọngborrie ni lẹga mwa, rhunmwuda ọnii wa gie ima bannọ idobo hia kua, kevbe orukhọ ne ọ rhikhan obọ mu ọmwa, wa gie ima mu aro ye ẹmwẹ ulẹ ne ọ rre ima otọ.