II Samuẹl 22:2 - Edo Bible (E Baibol Ẹdo) Version 1996

² E Nọyaẹnmwa ọ re ọ re ne ọ degue mwẹ, rẹn ọ re owa ọkhẹ mwẹ nọ wegbe.

II Samuẹl 22:2 ပူးပေါင်းရင်းမြစ်များ

II Samuẹl 22:32

E Nọyaẹnmwa ọkpa ọrọre Osanobua, Osanobua ọkpa ọrọre ugue mwa.

II Samuẹl 22:33

Osanobua na ọrọre ugue mwẹ ne ọ wegbe, ọ ye odẹ mwẹ khian ne ẹbe i ye.

II Samuẹl 23:3

Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,

Psalm 144:2

Rẹn ọrọre ne ọ degue mwẹ kevbe ne ọ gbinna mẹ ugue kevbe ọmiọnmwafan mwẹ, ọmwa ne imẹ mu ẹtin yan ne I fe hin ẹbe rre. O rhie mwẹ obọ yan uhunmwu ẹvbo nibun uhunmwu.

Psalm 31:3

Wẹ ọrọre ugue kevbe ne ọ gbinna mẹ. Dia mwẹ ne u vbe gha su mwẹ khian, zẹ vbene u yan rẹn.

Psalm 42:9

Mẹ tama Nọyaẹnmwa ne ọ gbinna mẹ wẹẹ, “Vbọzẹ ne u na mianmian mwẹ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?”

Psalm 71:3

Gha re ugue mwẹ ne ẹ i firaa, kevbe odin ọkhẹ nọ wegbe, ne ọ degue mwẹ. Wẹ ọrọre ugue kevbe ne ọ gbinna mẹ.

Psalm 91:2

gha sẹtin tama rẹn wẹẹ, “Wẹ ọrọre ne ọ gbinna mẹ kevbe ugue mwẹ wẹ ọrọre Osanobua mwẹ ọmwa ne I mu ẹtin mwẹ yan.”

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

I Samuẹl 2:2

“Ọmwa ne ọ huanrẹn vbe Nọyaẹnmwa i rrọọ, ọmwa ne ọ yevbe ọre irrọọ, ugue ne ọ ye vbe Osanobua mwa i rrọọ.

I Samuẹl 23:25

E Sọl kevbe emwa rẹn keghi ladian ya gha gualọ e Devid khian, sokpan, rẹn họẹn, ọ na gha rrie iya okuta ne ọ rre ẹgbo Moan, ọ na ya gha rre evba. E Sọl ghi họn, ọ na gha gualọ e Devid khian.

I Samuẹl 24:2

E Sọl keghi viọ omwa arriaisẹn eha vbe uwu emwa rẹn ni guara gbinna sẹẹ vbe Izrẹl, ọ na suẹn ya gha gualọ e Devid vbe emwa rẹn, vbe odẹ ahọ ọghe Okuta Ẹwe Oha.