II Samuẹl 22:18 - Edo Bible (E Baibol Ẹdo) Version 1996

¹⁸ Ọ wọlọ mwẹ hin obọ enikhuiwu mwẹ rre, hin obọ avbe eghian mwẹ, ni wegbe sẹ mwẹ gbe.

II Samuẹl 22:18 ပူးပေါင်းရင်းမြစ်များ

II Samuẹl 22:1

Ọnọna ọrọre ihuan ne Devid so ghe e Nọyaẹnmwa, vbe Nọyaẹnmwa miẹn rẹn fan vbe obọ e Sọl kevbe eghian rẹn nekpa:

II Samuẹl 22:17

E Nọyaẹnmwa niẹn obọ ke ẹrinmwi rre, ọ na da mwẹ yi, ọ keghi si mwẹ ladian hin uwu odin amẹ rre.

II Samuẹl 22:19

Ẹghẹ vbe I rre uwu ọlọghọmwa, iran kegha gun mwẹ khọn, sokpan, e Nọyaẹnmwa keghi degue mwẹ.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 35:10

Me gha ye ekhọekekhọe mwẹ tama Nọyaẹnmwa wẹẹ, “Ọmwa ne a ya gie ruẹ i rrọ, wẹ ne ọ fan nọ ma wegbe yotọ vbe obọ ọmwa ẹtin kevbe ovbiogue vbe obọ ne ọ zẹ ọe kpokpo.”

Psalm 56:9

Ẹdẹ ne I gha kpe tie ruẹ avbe eghian mwẹ gha lẹ werriegbe mẹ rẹn ọnọna wẹ, mẹ ọ re Osanobua ya ba,

II Kọrinti 1:10

Rẹn keghi miẹn mwa fan, ma wa mu ẹtin yan rẹn ighẹ ọ gha ye vbe dọlegbe miẹn mwa fan.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.