II Samuẹl 22:10 - Edo Bible (E Baibol Ẹdo) Version 1996

¹⁰ Ọ guọghọ iso, ọ kevbe tuorre okuku nekhui kegha rre ototọ owẹ ọre.

II Samuẹl 22:10 ပူးပေါင်းရင်းမြစ်များ

I Ọba 8:12

Ẹre Solomọn na na erhunmwu wẹẹ, “E Nọyaẹnmwa, wẹ ọ re ọ dunmwu owẹn ye iso, sevba, u keghi kha wẹ uwu okuku kevbe ebiebi u ra dia.

Psalm 104:3

U keghi bọ owa ruẹ yan amẹ ne ọ rre odukhunmwu, u ye okuku amẹ ru ikẹkẹ okuo ruẹ, u keghi hin khian vbe ifuẹn ẹhoho.

Psalm 144:5

E Nọyaẹnmwa, va iso ne u tuorre, ya obọ kan avbe oke ni yo, iran gha vbe tue ighogho ladian.

Psalm 97:2

Okuku kevbe ebiebi lẹga ẹre; ẹmwata kevbe uhunmwu ẹmwẹ ọ re ọ ya khaemwisẹ.

Ẹksọdọs 19:16

Vbe owiẹ vbe ikpẹdẹ ne ogieha, avan ne ukhunmwu kevbe ayan kegha wannọ vbe uhunmwu oke, okuku ne ọ mwẹ imi, kevbe urhu okpe ne ọ la ẹsẹse. Emwa ni rre agọ hia kegha guọ zẹzẹzẹ ne ohan.

Ẹksọdọs 20:21

Sokpan emwa nii keghi ya mudia ye urria gban an, e Mosis ọkpa ọre ọ ghi sikẹ okuku nii vbe ehe ne Osanobua gha ye.

Aizaia 63:19

U ke ghi ru ima zẹ vbene a gha a kha ighẹ u ma he ka gha re ogie ima ẹdẹ, vbene a gha a kha ighe ma ma he gha re emwa ruẹn ẹdẹ.

Nahum 1:3

Ohu i rherhe mu e Nọyaẹnmwa sokpan rẹn mwẹ ẹtin, ẹ i gie ọmwa ne ọ rria abe gha rrie vbe ne ọ ma na rri oya. Okpẹhoho guakpao, vbe ehe ne Nọyaẹnmwa khian la; okuku amẹ, ebubẹ ne owẹ ọre gbe nọ!

Matiu 27:45

Owẹn ghi wa sẹ adesẹ ukhunmwu, ebiebi keghi wa so vbe ẹvbo ni hia, ọ keghi so ya omwa ẹgogo eha.

Diuteronomi 4:11

Wa tama ivbi uwa vbene uwa do mudia ye ototọ oke nii ne okuku ne ọ mwẹ imi ọghe ighogho nekhui gue mu otọ, ọ na vbe gha kpannọ erhẹn sẹ iso.