II Samuẹl 22:1 - Edo Bible (E Baibol Ẹdo) Version 1996

¹ Ọnọna ọrọre ihuan ne Devid so ghe e Nọyaẹnmwa, vbe Nọyaẹnmwa miẹn rẹn fan vbe obọ e Sọl kevbe eghian rẹn nekpa:

II Samuẹl 22:1 ပူးပေါင်းရင်းမြစ်များ

II Samuẹl 12:7

E Natan keghi tama e Devid wẹẹ, “Wẹ ọ re nene ọmwa. Vbene e Nọyaẹnmwa Osanobua ọghe Izrẹl khare ọ re ọna khin: ‘Mẹ ọ re ọ maa ọba Izrẹl, I keghi miẹn ruẹn fan hin obọ e Sọl rre.

II Samuẹl 22:49

Ọ keghi fan mwẹ vbe obọ avbe eghian mwẹ. Nọyaẹnmwa, u gun mwẹ khọn avbe eghian mwẹ muotọ, u keghi degue mwẹ hin obọ emwa ọkpankpan.

I Krọnikol 16:7

Ẹghẹ nii ọ re Devid na mu ẹmwẹ ihuan ne a so ya rho e Nọyaẹnmwa ye Asaf kevbe avbe Livai ne ihuare obọ.

Psalm 34:19

Ọlọghọmwa nibun, ọ re ọmwata miẹn, sokpan, e Nọyaẹnmwa ghi miẹn rẹn fan vbe uwu ehia fẹẹrẹ.

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Ẹksọdọs 15:1

Ẹre Mosis kevbe ivbi Izrẹl na zẹ ihuan so ghe Nọyaẹnmwa wẹẹ, “I gha so ihuan ne Nọyaẹnmwa rhunmwuda ọ miẹn akhọnmiotọ ne ọ mwẹ uyi, ọ filo avbe ẹsin kevbe iran nii hin ẹnrẹn ku uwu okun.

II Kọrinti 1:10

Rẹn keghi miẹn mwa fan, ma wa mu ẹtin yan rẹn ighẹ ọ gha ye vbe dọlegbe miẹn mwa fan.

Diuteronomi 31:30

E Mosis keghi wa kharha ihuan nii hia ya sẹ ehe ne ọ sẹ ọe vbene ivbi Izrẹl hia na danmwẹ ehọ.

II Timoti 4:18

Erriọ Nọyaẹnmwa gha yuo mwẹ hin uwu ọkhọ hia rre, ọ ghi rhie mwẹ gha rrie Arriọba ẹrinmwi ẹnrẹn vbe ne a i na mwẹ ẹbe. Uyi ọre ọghọe ẹdẹ kevbe ẹdẹdẹmwẹdẹ. Isẹ.

Giọgis 5:1

Ẹdẹ nẹdẹrriọ, e Dẹbora kevbe Barak ne ovbi Abinoam keghi so ihuan na:

I Samuẹl 23:14

E Devid keghi ya lẹre ye ẹvbo uhunmwu oke ne oha vbe ọkpẹn e Zif. E Sọl kegha hia vbe odẹikodẹ ne obọ irẹn vba ẹre, sokpan Osanobua ma rhie ẹre ne ẹẹn.

I Samuẹl 24:15

E Nọyaẹnmwa gha bu ohiẹn, ọ gha ta ne ọ diyi vbe uwu ima. Te ọ gha guan ye ẹmwẹ na, ọ ghi degue mwẹ, ọ ghi miẹn mwẹ fan vbe ọbo ruẹ.”

I Samuẹl 25:29

Adeghẹ ọmwaikọmwa vbe dekun ruẹn, ọ na wẹ rẹn ra gbe ua, e Nọyaẹnmwa, Osanobua ruẹ gha rhie ruẹ lẹre, zẹ vbene ọmwa rhie emwi ighobioye lẹre. Zẹ vbe ọghe avbe eghian ruẹn, vbene ọ rhirhi a gha ye hẹ, e Nọyaẹnmwa gha filo iran kua zẹ vbe ne ọmwa ye umọvọn filo okuta kua.

I Samuẹl 26:24

Zẹ vbene I sẹ uẹ rae ẹrẹna, te Nọyaẹnmwa, gha vbe ru imẹ vberriọ, ne ọ fan mwẹ fua hin uwu ọlọghọmwa hia rre.”

I Samuẹl 27:1

E Devid keghi tama egbe ẹre wẹẹ, “E Sọl gha gbe mwẹ uan ẹdẹ ọkpa. Emwi ne ọ ke mẹ sẹ ne I gha ru ọrọre ne I lẹ fua gha rrie Filistia. Ẹghẹ nii, e Sọl ghi hẹwẹ vbe ne ọ na te gualọ mwẹ khian vbe otọe Izrẹl, ẹghẹ nii, I ghi do miẹn uhunmwu.”