II Samuẹl 21:9 - Edo Bible (E Baibol Ẹdo) Version 1996

⁹ E Devid keghi viọ iran ne ivbi e Gibiọn, iran na silo iran rrọ vbe uhunmwu oke ne ọ rre odaro e Nọyaẹnmwa. Iran ihinrọn nii keghi wulo kugbe. Ẹghẹ ahọ uyunmwu ọ re a na gbele iran an vbe ẹghẹ ne a ya suẹn ọka irhuarhua ne a fian.

II Samuẹl 21:9 ပူးပေါင်းရင်းမြစ်များ

II Samuẹl 21:6

Rhunmwuda ọnii, viọ ihinrọn ne ima vbe uwu avbe ivbi ẹre ni ikpia, ma ghi silo iran rrọ vbe odaro e Nọyaẹnmwa vbe Gibia ne ẹvbo e Sọl ne ọba ne Nọyaẹnmwa hannọ zẹ.” Ọba keghi wanniẹn wẹẹ, “I gha viọ iran ne uwa.”

II Samuẹl 6:17

Iran keghi mu Ẹkpẹti ni rre, iran keghi mu ẹẹn ye ihe ẹre vbe ehe ne Devid mwamwa khẹ ọre. Ọ keghi zẹ ese, ọ na si isara ghe Nọyaẹnmwa.

II Samuẹl 6:21

E Devid keghi wanniẹn wẹẹ, “Te I gha kuu ne I ya ya ọghọ ne Nọyaẹnmwa ne ọ rhie obọ gberra erhaa kevbe ẹgbẹe ruẹ ọ na do zẹ mwẹ ne ọ ya mwẹ ru ọkaolotu ivbi Izrẹl ne emwa rẹn. Ẹn ẹn te I khian ye gha ku khian, ne I ya ya ọghọ ne Nọyaẹnmwa.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ẹksọdọs 9:31

Iyokho kevbe ọka ke wa rhiara, rhunmwuda, ọka te wo nẹ, iyokho te vbe gbele ukhu.

Ẹksọdọs 9:32

Sokpan avbe ọka irhuarhua ma rhia rhunmwuda okiekie ọre iran ya wo.

Nọmbas 25:4

Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”

Diuteronomi 21:22

“A deghẹ ọmwa ru emwi dan, a na gbe ẹe rua yọ, a na si ikun ẹnrẹn rrọ ye erhan,

Ebe Rut 1:22

Erriọ ọ re Naomi ya ke Moab gha dee ke ẹe kevbe Rut, ne ovbi e Moab ne amwẹ ovbi ẹre. Ẹghẹ ne a ya fian ọka irhuarhua ọre iran ya sẹ Bẹtlẹhẹm.

I Samuẹl 15:33

E Samuẹl keghi kha wẹẹ, “Vbene umozo ya iye nibun khian ne ẹ i ghi mwẹ emọ, erriọ ọ re iye uẹ ra vbe khian ne ẹ i ghi mwẹ ọmọ ẹrẹna.” Ọ keghi hele Agag ike yo odaro aka ne ọ rre Gilgal.