II Samuẹl 21:7 - Edo Bible (E Baibol Ẹdo) Version 1996

⁷ Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

II Samuẹl 21:7 ပူးပေါင်းရင်းမြစ်များ

II Samuẹl 16:4

Ọba keghi khama Ziba wẹẹ, “Emwi ne Mẹfibosiẹt mwẹ hia khian ọwuẹ.” E Ziba ke wanniẹn wẹẹ, “Ọguọmwadia ruẹ ọre I khin. I i gha tẹ vbe obọ ruẹ Umogun.”

II Samuẹl 19:25

E Mẹfibosiẹt ghi ke Jerusalẹm rre do khian vba ọba, ọba keghi nọ rẹn wẹẹ, “Mẹfibosiẹt, vbọzẹ ne u ma na lele mwẹ kpao yi?”

II Samuẹl 4:4

E Jonatan ne ovbi e Sọl kegha mwẹ ọmọ, ne a tie ẹre Mẹfibosiẹt. Ẹghẹ ne ọ na rre ọmọ ukpo isẹn ọ re a na họn emwi ne ọ sunu vbe egbe Sọl kevbe Jonatan vbe ne iran ta ẹe ke Jezrẹl rre. Ọmwa ne ọ gha koko ẹe keghi wa tọn ẹn mu, ọ na lẹ sokpan, ehe ne ọ na khirhi khian ni, ọ keghi fe ẹre obọ degbe otọ, ọ re ọ na khian uke.

II Samuẹl 9:1

Ọ ghi sẹ ẹdẹ ọkpa, e Devid keghi nọ wẹẹ, “Ọmwa rhọkpa ye kẹe vbe ẹgbẹe Sọl ra? A deghẹ ọ ye rrọọ, I ho ne I ru ẹre ẹse rhunmwuda e Jonatan.”

II Samuẹl 9:10

Wẹ avbe ivbi uẹ ne ikpia kevbe eguọmwadia ruẹ, ghi gba gha gbe ugbo nii ne ẹgbẹe Sọl ne arowa, wa ghi vbe gha viọ emwiorhọ ẹre rrie owa ne iran miẹn evbare gha re. Sokpan, eteburu mwẹ ọ re Mẹfibosiẹt gha na gha rrie evbare vbe ẹghẹ hia.” (E Ziba keghi mwẹ emọ ikpia ekesugie kevbe eguọmwadia ugie.)

II Samuẹl 9:6

E Mẹfibosiẹt ne ovbi e Jonatan kevbe eyẹ e Sọl ghi rre, ọ keghi ya ọghọ ghughẹ rre vbe odaro e Devid. E Devid keghi kha wẹẹ, “Mẹfibosiẹt!” Rẹn keghi wanniẹn wẹẹ, “Ghe ọguọmwadia ruẹ enọwanrẹn.”

II Samuẹl 9:7

E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

Asan-Ibo 8:2

Gha ru vbene ọba khare, ghẹ vbe tua ve Osanobua emwi.

I Samuẹl 18:3

E Jonatan kevbe Devid keghi gba vẹn ihẹn ne egbe wẹ ọse ẹdẹdẹmwẹdẹ iran khian gha khin, rhunmwuda ne irẹn na ho ẹmwẹ ọnrẹn ẹsẹse.

I Samuẹl 20:12

E Jonatan keghi tama Devid wẹẹ, “E Nọyaẹnmwa Osanobua ọghe Izrẹl ọ re ọ khian gha re osẹe ima. Ẹghẹ na vbe akhuẹ kevbe irakhuẹ, I gha nọ erha mwẹ ọta. I gha gie ne a tama ruẹn a deghẹ ẹmwẹ esi ọ re ọ tae vbe ekpa ruẹ.

I Samuẹl 20:15

U ghi mwẹ itohan ẹgbẹe ghe mwẹ ẹdẹdẹmwẹdẹ. E Nọyaẹnmwa ghẹ ghi dunmwu avbe eghian ruẹn hia fo nẹ,

I Samuẹl 20:17

E Jonatan keghi dọlegbe wẹ ne Devid yan wẹẹ rẹn gha ho ẹmwẹ irẹn, rhunmwuda te Jonatan ho ẹmwẹ Devid zẹ vbene ọ ho ẹmwẹ egbe ẹre.

I Samuẹl 20:42

Ẹre Jonatan na tama Devid wẹẹ, “Te Nọyaẹnmwa gha yaba ruẹ. E Nọyaẹnmwa gha ru ẹe ne a miẹn wẹ mẹ vbe ruẹ, ivbi uẹ kevbe ivbi mwẹ ni gha lele ima, gha ru zẹ vbene ile ne ima gu egbe ta khare ẹdẹdẹmwẹdẹ.” Ẹre Devid na kpao, e Jonatan keghi dọlegbe gha die owa.

I Samuẹl 20:8

Lahọ, u ghi ru mwẹ ẹse na, ne u ye ihẹn ne ima vẹn ne egbe rre. Sokpan, a deghẹ I rri abe, tobọ gbe mwẹ uan. Vbọzẹ ne u gha na rhie mwẹ gie erha gbe ua?”

I Samuẹl 23:18

Iran eva keghi gba vẹn ihẹn ne egbe. E Devid kegha rrie Hores, e Jonatan na gha rrie owa.

I Samuẹl 24:22

E Devid keghi yan wẹ rẹn gha ru vberriọ. Ẹre Sọl na gha rrie owa, e Devid kevbe emwa rẹn kegha rrie ehe ne iran lẹre yi.